يهمني رايكم ياهل النظر في القعود الاصفر

[شلويح المقاطي]

السلام عليكم و رحمة الله و بركاته
هذا قعود اصفر ولاد من الابل عمره 24 ساعه
ابوه فحل البل وابغا رايكم بدون مجامله .
ودمتم سالمين ,,,
http://www.alhadafa.com/uploadedfiles/images/15502.jpg

[بدر الدغيلب]

انا مالي خبره في الصفر

لكن بقولك رايي


القعود عادي مافيه شي يشد

[محمد ابو عدوة]

ماطلعت الصور عندي

[محمد بن صنهات]

مرحبا ياصالح

والقعود طيب ولاهوب عادي

الله يبارك لك والمسلمين جميع

[متعب العمار]

هلا ياصالح الصوره ماهي واضحه بسبب لون القعود ولون الذرا اللي وراه ,, لو في مكان فاضي كان ميزناه

لكن خشمه بيطلع طيب وله عرنون زين وخدته حلوه , ورقبته حلوه ,,
اما الباقي يظهر بعدين

[مشبب بن حماد القحطاني]

إنتاج فحلك طيب إن شاء الله
والحوار رأسه ورقبته طيبه مع ملاحظه على الإذن إذا كان القعود أصفر دبس ماهوب بمجهم
والحكم في هالسن صعب وإن شاء بيظهر مظهار السعد
ومثل هالإنتاج أنا أعتبره فال طيب
الله يبارك لك في حلالك ويرزقك بالإنتاج الفاخر

[خالد الفالح]

راسه طيب وعرنونه ما فيه حكي واللحي وارد والمشرب بيجي والجنب وسيع وباقيه يبين لا جدل الحوار

ان كان ذا انتاج البعير فابشر بالخير ضم عليه

[شلويح المقاطي]

اشكر كل من قام بالتعليق على موضوعي
والله يرزقكم بالانتاج اللي يسركم
ودمتم بخير ,,,