خاص لـ أهل الرياض ..

[بدر الأفنش]

السلام عليكم ورحمة الله وبركاته
الله يمسي الجميع بالخير
ابنشدكم ياجماعة عن بعير ( أبو راضي المطيري ) ولاني عارف اسم الرجال بالضبط
لكن موقع ابله على طريق خريص-الأحساء القديم مقابل شركة الكهرب بعد التقاطع الموصل لطريق الدمام السريع
و البعير اوضح وعليه سوم 300 الف على كلام جيرانه .
اللي عنده علم عن ساس البعير و اسم صاحبه اكون شااكر ..
ارجوا الإهتمام بالموضوع و شكراً

[متعب العمار]

عليكم السلام ورحمه الله

اسم راعي الفحل ثامر بن راضي المطيري

وحسب ماعرفه عن الفحل انه كفو

على الفحل الشهير تمام

وانا شايف انتاجه طيب طيب بالحيل وحاليا موقع ثامر المطيري ليس مقابل شركه الكهرب

[بدر الأفنش]

لاهنت يالأجودي انا اضربت ناقة عندنا عليه من ٣ سنوات والناقة ولدت قعود اشقح كفو
وسبق ان جاني ابو راضي عليه ورفضنا نبيعه و القعود داخل لقي الشتويه الجايه وشدينا من مكانا الاولي
والناس جوني عليه كثير وعلى كذا نبي نفحله جعل والديك الجنه دام هذا ساسه وشكراً للمرور و الأفاده ..

[بدر الأفنش]

اخوي متعب لاهنت وين مكان ابو راضي الجديد

[راضي الظويفري]

السلام عليكم
اخي بدر الافنش انا ابن ثامر الظويفري المطيري(ابو راضي)
الي تسئل عنه راعي الفحل ولد تمام اذا تبغا شيء كلمني على الخاص لااعطيك رقم والدي