المساعد الشخصي الرقمي

مشاهدة النسخة كاملة : يا أهل الخبره / ضعف البويضات

سعد الشمري
16 / 02 / 2012, 20 : 11 PM
السلام عليكم
اخواني عندي ناقه طلع لها ببطري وقال عندها ضعف مبايض واعطاني علاج ولا نفع

ونبي من اهل الخبره يعطونا طب لها ويفيدونا من تجاربهم
شلويح المقاطي
16 / 02 / 2012, 44 : 11 PM
اخ سعد مساء الخير فيه ابرة تنشيط البويضات عند البيطري
تعطى الناقه قبل ان يضربها الفحل بوقت
حاتم العزيزي
17 / 02 / 2012, 41 : 01 AM
هلا اخوي سعد .. لاتاخذ كلام دكتور واحد بعض الدكاتره ماعنده خبره كافيه وبالذات في مشاكل اللقاح ..
ماعندي علم عن البويضات ويمكن مشكلة ناقتك ثانيه .. وان شاءلله ناقتك تلقح وتشرب حليبها ..
مشعل الشويش
18 / 02 / 2012, 45 : 07 PM
أخوي أبرة تنشيط البويضـات نافعـه جداً ..
يمكن البيطري ماعنده خبره وطق الناقه في موقع خطأ .. أو ممكن الابره منتهية الصلاحيـه ..
الابره ذي استخدمتها كثيراً ونافعه 90% ..بإذن الله
لكن بعد تنظيف الرحم ..

والاخوان يفيدونك ..

ينقل للقسم المناسب ( العيـادهـ ) .
خالد بن عصاي
18 / 02 / 2012, 56 : 09 PM
سعد الشمري مرحبا

اولا قطع عنها الصيد

ثانيا نظف الرحم

ثالثا عطها ابرة تنشيط المبايض (مجربة وامنة بإذن الله )

بعدها قنعها الفحل والله يكتب لك الخير من عنده

مع التحية
مسعود العماري
18 / 02 / 2012, 21 : 10 PM
بالنسبة للبيطري اللي طلع هل كان معه جهاز الموجات حتى شاهد المبايض وشكلها

وهل تابع دورة التبويض لمعرفة حجم البويضة وهل حلل الدم وعرف نسبة الهرمونات

للاسف اغلب البيطرين صيادلة ويدخل يده في رحم الناقة ويجلس يفتي ويشخص بأشياء تحتاج

عملياً لمتابعة إسبوع لذا لاتأخذ بكلامه واهتم بالناقة من الناحية الغذائية مع خلط فيتامينات مع المكعب

وإعطاء هرمون حسب الحالة ؟ هل الناقة تيسر ام لا؟ هل الناقة تعشر وتكسر ؟

كل حالة لها هرمون مناسب وبكمية مناسبة

وتقبل تحياتي
سعد الشمري
18 / 02 / 2012, 15 : 11 PM
الله يبيض وجيهكم جميع وجربت ابرة البويضات وما نفعت
وديتها للجامعه وقال ضعف في المبايض الله حق ما حط جهاز ولا شي
لكن ودنا تكتب لنا يا مسعود انواع الابر لهالحالات يمكن نجرب كل الانواع
سعد الشمري
18 / 02 / 2012, 16 : 11 PM
الله يبيض وجيهكم جميع وجربت ابرة البويضات وما نفعت
وديتها للجامعه وقال ضعف في المبايض الله حق ما حط جهاز ولا شي
لكن ودنا تكتب لنا يا مسعود انواع الابر لهالحالات يمكن نجرب كل الانواع
مشبب بن حماد القحطاني
19 / 02 / 2012, 27 : 01 AM
سعد الشمري مرحبا

اولا قطع عنها الصيد

ثانيا نظف الرحم

ثالثا عطها ابرة تنشيط المبايض (مجربة وامنة بإذن الله )

بعدها قنعها الفحل والله يكتب لك الخير من عنده

مع التحية


أتفق مع أخوي خالد صلح اللي قال بالضبط ولما تقطع الصيد وتنظف الرحم(شف لك واحد خبرة) عطها بعد إبرة مضاد حيوي تترامايسين وفي نفس الوقت إبرة اليسرة إستروميت الألمانيه بمقدار 10 سم وبعد 11 يوم بالضبط عيد عليها إبرة اليسره إستروميت وبعدها بيومين لقها الفحل وبعد مايضربها الفحل والناقه بعد باركه طقها إبرة التثبيت وإن شاء الله تبشرنا بلقاحها
تحياتي
عبدالرحمن المري
19 / 02 / 2012, 45 : 04 AM
مرحبا اخوي سعيد بالنسبة لحالة ناقتك اول شي جب لك دكتور بيطري مظبوط وخله ينظف رحم الناقة وبعدين اشتر لك حلبة والحبة السوداء وعطها ناقتك مع اللقوم وبعدين اظربها بالفحل وان شاء الله تلقح وتجيب لك الفحل الغالي والا البكرة الفردية بس ابغي منك شي واحد اتمنى انك ماتنسى منه وهو دعائك الصالح
عبدالرحمن المري
19 / 02 / 2012, 47 : 04 AM
للتذكير: اذا جبت الدكتور البيطري لا تخليه يظرب الناقة ابرة ايسره نهائي لان الناقة الي تظرب ابرة ايسرة ماعاد تلقح