عاااااجل لمن لديه الخبره مشكوووراً

[راشد الكدادي]

السلام عليكم ورحمة الله
عندي مفرود لوحظ عليه هذه الليله أنه يكح ويظهر مع دمنه أجلكم الله دم ..ماهي مشكلة القعود وماهو العلاج المناسب لمثل هذه الحاله..وللجميع الشكر العرفان..
أتمنى سرعة الرد والله لايهينكم مقدماً..:mwalat33:

[محمد الوهبي التميمي]

ارحب يابوناصر عساك طيب
اجل عليكم برد امس وقبله؟
على العموم إبرة النحاز مهمه للكحه
والدم اصبر عليه بكره وبعده وان شاء الله ينتهي خروج الدم دون اي علاج
وباقي الاخوان يعطونا خبراتهم

[فيصل الرويس]

حياك الله الدم عادي عليك بابرة النحاز وانشاء الله مايشوف شر

[مشبب بن حماد القحطاني]

ماقصروا الإخوان الله يجزاهم خير ويشفي قعودك لكن إعزله بعد ماتعطيه إبرة النحاز لين يطيب عشان لايعدي بقية إبلك ولو تعطي بقية المفاريد جرعه وقائية مايضر
تحياتي

[راشد الكدادي]

ارحب يابوناصر عساك طيب


اجل عليكم برد امس وقبله؟
على العموم إبرة النحاز مهمه للكحه
والدم اصبر عليه بكره وبعده وان شاء الله ينتهي خروج الدم دون اي علاج
وباقي الاخوان يعطونا خبراتهم



يامرحبا ومسهلا يامحمد الوهبي وياسليل المجد والطيب..وعزالله صدقت البارحه وقبله علينا برد مهوب طبيعي الهوا راكد والبرد يحول مثل فريز الثلاجه..
بيض الله وجهك وجعل شيبان خلفوك يردون حياض الجنه..قل آمين.
بكره بأجرب إبرة النحاز وبإذن الله نتحرى من الله الشفاء للحلال وأهله..لاهنت يالسنافي.
حياك الله الدم عادي عليك بابرة النحاز وانشاء الله مايشوف شر
أرحب يافيصل الرويس,وياهلا وغلا بالنشمي..ولاهنت يالغالي على الرد والشور..وجعلك واللي مثلك ماتشوفون شر في الحال والحلال..لاهنت يالقرم.


ماقصروا الإخوان الله يجزاهم خير ويشفي قعودك لكن إعزله بعد ماتعطيه إبرة النحاز لين يطيب عشان لايعدي بقية إبلك ولو تعطي بقية المفاريد جرعه وقائية مايضر



تحياتي


أرحب يابن حماد وياهلا وغلا بولد العم..واللهم أمين ويجزاك ويجزاهم كل خير..ووصيه منفذه بإذن الله وراح أعزله لحاله وباطعم المفاريد الآخرى بإذن الله..سلمت ولاهنت يالذيب..

وللجميع أصدق المحبه والتقدير..