فاطر معشر ماتقوم من رجليها

[سعود محمد السبيعي]

السلام عليكم ورحمة الله وبركاته

نبي الفزعه عندي فاطر وهي نشيطه مهيب كبيره بالحيل

ولكن اليوم تبرك ولاتقدر تقوم الا بصعوبه جدا والبلا في رجليها

من خلاف وكن فيه ورم في مبركها في رجليها والناقه معشر لعا شهرين

الفزعه يالنشاما

[محمد سالم اليامي]

عليك لها يالفيتامينات الحديد والنحاس خمس ايام بالنسبه للورم ان كان الناقه مشبوك عليها خلها تسرح ونوع عليها العلف

[مشعل الشويش]

عطها مليّن اعصاب عند البيطري وفيتامينات ومضاد
هذا يباس في عصبهاا ..
والفاطر هذا حالهاا

ينقل بعد اذنك للعياده

[عبدالرحمن الحسيني]

السلام عليكم ياسعود


عندي ناقه نفس ناقتك لكنها مهي فاطر المهم يالله تقوم
ومرات تقوم وتطيح عطيتها ابره فيتامينات ٥ ابر يوم وراى يوم
والحمدلله الحين مافيها الا العافيه
والاخوان ماقصرو ولا راح يقصرون ان شاءلله

[مطلق بن عبيد العوفي]

الحاله هذي صارت عندي انتفاخ في رجليها عطيتها فيتامينات وابرة اعصاب وغيرها وما تحسنت
وبعدها خليتها تسرح يوميا وبشرك ما بها الا العافيه