المساعد الشخصي الرقمي

مشاهدة النسخة كاملة : علاج فتح الحافضه الثانيه

نواف سعد العمر
11 / 02 / 2012, 23 : 05 PM
مسالخير يالربع عندي ناقه العام شريتها من رجال شايب صدوق شرواكم على انها لقحه على فحله وكانت عشرا عنده قبل تعشر المهم الناقه حال عليه الحول مابين فيها اي شى من علامات اللقاح 0جبت رجال معالج للابل ادخل عليها وحصل الحافضه الثانيه مقفله تعشر في الحافضه الاولى حاول الشايب يفتح الحافضه الثانيه وعجز 0 نضفها وبعد اسبوع بركت قدام الفحل وضربها وبعد مده عشرت الناقه وانا خايف هالعشار نفس العشار الاول 0000ابغي علاج مجرب ينفع في فتح الحافضه الثانيه ودمممتم
نواف سعد العمر
15 / 02 / 2012, 25 : 11 AM
120 واحد ولا واحد رد افا يالذ العلم
محمد سالم اليامي
15 / 02 / 2012, 45 : 01 PM
لا تزعل يابو سعد الي ما هو عارف ما هو راد عليك والي شاك في علاجه بعد ما هو راد عليك
لكن هل البل من اول يحطون ندوه للسدد وهو عباره عن تمر مع عويدي وملح وقليل من الزيت ويخلطها مع بعض كبر حبة البيض ويدخلها داخل في الرحم وبعضهم يمرسها داخل واسبوع الى اسبوعين وهد الفحل وعشرت الناقه جرب الطريقه وما تخسر شي باذن الله ان كان انك باخس
نواف سعد العمر
15 / 02 / 2012, 38 : 02 PM
الله لايهينك يابو سالم على هالمعلومه وبيض الله وجهك
مبارك بن محمد
29 / 02 / 2012, 04 : 10 PM
وشو العويدي !!!

جزاكم الله خير
مسعود العماري
29 / 02 / 2012, 12 : 10 PM
وشو العويدي !!!

جزاكم الله خير

العويدي هو القرنفل باللغة العربية

والبعض يسميه المسمار ويستخدم مع القهوة
مبارك بن محمد
09 / 05 / 2012, 31 : 08 AM
العويدي هو القرنفل باللغة العربية

والبعض يسميه المسمار ويستخدم مع القهوة


جعل من جابك الجنه .. وجزاك الله خير يا اخوي على التوضيح