الفزعة تكفون

[فارس اليامي]

السلام عليكم ورحمه الله وبركاته
عندي طول الله عماركم علئ الطاعه
ناقه بكر ثنيه
وجابت لها حوار ومات ماكتبه الله
وعندي لي حوار طيب وحطيته تحتها وركبت والحمد لله
وتفاجات الحوار كل ماجيته يرضع وقلت تمااام
وقربت من الناقه وحلبتها وتفاجئت ان ديودها تشخب شخب
ضعيف ولا تصب الا قليل
فهل هو سدد او عيب خلقي في الناقه
او يحتاج لها تدخل جراحي
فياليت المساعده من الاخوان جميعا وهل مرت الحاله علئ احد
وشكرا للجميع

[محمد الوهبي التميمي]

مرحبا اخوي فارس
الناقه بكر ولا عليها خلاف كثرو الحلاب عليها وحوارها يلهجها
ومع الوقت بيزين ديدها

[فندي سعيد العتيبي]

اخوي لا تسوي شي في ديس الناقه خل ولدها يلهجها بس
ترى فيه واحد من الربع كان عنده ناقه ثنو عيا الحليب لايضهر الا بسيط
وجاب من البيطري مسمار معقم يفتح سمه الديس خصيص لهذا الغرض
وبعد ما خلص من الناقه تركها وراح ينوم ويوم قام الصباح لقاها ميته
ترى اخطر شي التعبل في الديس

[مسعود العماري]

مرحبا أبو محمد

طالما الحوار يرضع ويحصل حليب فلا عليه خلاف ولا تسوي بالناقة شيء

ولا يهمك حلبتها

[فارس اليامي]

يامرحبا بالجميع وشاكر لكم آرائكم
الناقه ياطوال العمار مايطلع الحليب الا من خلف واحد
اما الباقيه فتقطر بسييييط
ولا تكفي الحوار علما ان الحوار عمره 5 اشهر
وأخاف انه يضعف ويشين حاله
وبانتظار آرائكم

[مشبب بن حماد القحطاني]

مرحبا اخوي فارس
الناقه بكر ولا عليها خلاف كثرو الحلاب عليها وحوارها يلهجها
ومع الوقت بيزين ديدها
نفس الكلام لاتجيها أبد
عندي بكرتين ولدت هالسنه ونفس الطريقه تقريبا اللي في ناقتك
ولاسويت لها شيء اللهم أحاول أنظف ديدها لاعطفت وحوارها يلهجها والحين بعد إسبوعين الحمد لله زانت ديودها واجد ومع الوقت بتزين وبتزين إن شاء الله