المساعد الشخصي الرقمي

مشاهدة النسخة كاملة : تكفوون الفحل كفو وانتاج لكنـــــ.....

عبدالرحمن الحسيني
07 / 02 / 2012, 07 : 09 PM
السلام عليكم ورحمة الله وبركاته

فحل أنتاااج وكفوووو

يا أهل الخبره عندي فحل رباع قبل سنه ضرب مافي اي شي لكن

السنه هذي مايفسر مايطلع منه الا طول الاصبع مرات اكثر

وللعلم مايضم الناقه فيه شي برجوله يخليها تحت رجول الناقه !!

كأن برجوله رخاوه وجسمه يروح يمين يسار لاصار فوق الناقه

مع العلم ان هياجه مافيه شي

افاد الله بكم يا أهل الخير
مشعل الشويش
07 / 02 / 2012, 14 : 09 PM
مرحبا بك ...

والله لايريك مكروه بما تملك وانا اخوك .

بعد اذنك ينقل الموضوع للعيـاده ..

ويفيدونك الاخوان .
مبارك العبدلي
08 / 02 / 2012, 29 : 03 PM
يا عبدالرحمن البعير بدين بطنه كبير ؟


خف العلف عليه والماء عطه يوم ورا يوم لين يخف بطن البعير

ويضمر وبعدين اظربه ترا اذا البعير بطنه كبير مستبدن ما يشيخ على الناقه ويمكن يسبب له بعج خصوص اذا البل سمان وجرومها كبار
مشبب بن حماد القحطاني
08 / 02 / 2012, 07 : 04 PM
الله العالم البعير منصطح
حاول تضغط على مكان سرته بقوه وتشوف هل بيتألم؟؟
عبدالرحمن الحسيني
08 / 02 / 2012, 10 : 06 PM
الله يرحم والديكم فعلا ترا الي سمنها متوسط مايقدر عليها
اما الي فيها ضعف تشوفه افضل لكن البعير بطنه مرات تشك انه فادر ومرات تشوفه هايج بالمره
لكن ماهو الصطح بالضبط وشنو علاجه وهل له دخل بذكره اجلكم الله يعني يطلع مرتخي وقصير
وجزاكم الله كل خير
مشبب بن حماد القحطاني
09 / 02 / 2012, 45 : 02 AM
http://www.mzayan.com/vb/showthread.php?t=42255 (http://www.mzayan.com/vb/showthread.php?t=42255)
شف هذا الرابط أتمنى يفيدك
تحياتي ونسأل الله أن يشفي بعيرك ويمنحك مايسرك
عبدالرحمن الحسيني
11 / 02 / 2012, 30 : 07 PM
بيض الله وجهك

بيض الله وجهك ياااا مبارك العبدلي بارك الله فيك

وبيض الله وجهك يااااا مشبب القحطاني
والله انك جبتها مضبووط

الفحل سرته بارزه شوي ولا مسكت حولها ينجن واضح ان هالمكان مضايقه

وراح نكويه لكن هل المكان حول السره قريب منها تقريبا

مع العلم ان الدكاتره لعبو فينا كل يوم علاج وبالاخير يقول خله زينه
هههههههههههههههههههه صدمني

جزاكم الله كل خير
مشبب بن حماد القحطاني
12 / 02 / 2012, 31 : 12 AM
أربع مطارق حول السرة بشكل مربع والسرة تكون في النص
وترى لازم تحميه مايضرب أبد بعد الكي 40 يوم