تسجيل الدخول

مشاهدة النسخة كاملة : تكفون فزعتكم يا هل الابل

عيد السهلي
04 / 02 / 2012, 47 : 02 AM
السلام عليكم ورحمتة الله وبراكتة
اعلومكم
انا عندي بكره ضربت ثمان مرات ولا عشرت وللمعلوميه انها قد القحة وفيخات
واخر ضربه قبل اسبوع
وها الايام سقتها على الفحل وقمت تشاول بذنبها مثل العقرب مرتكزها راسها شوفتها شوفت الناقه المعشر
يوم وديتها لشبك قمت تهدر وتطرد البكره الثانيه تبي تضربها
احترت فيها
وتكفون ابي فزعتكم وش ادوها
لاتبخلون علينا


وتحياتي لكم
غازي بن سعود العتيبي
04 / 02 / 2012, 24 : 06 AM
بعض البكار في أول عشارها تهدر ماعليك منها لكن ركز على حياها إن كان منكمش فهي معشر
لكن بعد كل وقت شيك على عشارها وحدها على بعير يميز .
محمد الوهبي التميمي
04 / 02 / 2012, 19 : 07 AM
ارحب ياعيد الاسبوع قليل انك تحكم عل عشارها خصوصاً في هالبرد
السؤال انت قطعت عنها؟
وكم عمرها في عظمها؟
بتابع موضوعك منتظر الاجابه
مشبب بن حماد القحطاني
04 / 02 / 2012, 34 : 02 PM
ويش سنها ياخوي؟؟
من كلامك إنها بعد بكره مابعد أنتجت من قبل
مادام ماعاد أضربها الفحل وهو أعرف بها وهي تشول وتوزر وترفع رأسها ولاتهرب فالله العالم ذي معشر ,حتى بعد يوم تطرد البكار ذي تحصل في البل عندي أول ماتعشر
المهم لاعاد تسوقها على الفحل إلا بعد ماتكمل إسبوعين كامله
بالنسبه للتفييخ ممكن تعطيها إبرة oxytetracyclin إذا كسرت

عشارها في المستقبل الله لايقدر وسقها عالفحل بعد 5 إلى 10 أيام من الإبره بس هالحين لاتعطيها شي أبد, البكره مايدخل عليها أبد إلا من رباع وفوق..هذا اللي عندي وإنشاء الله مايقصرون الإخوان اللي أخبر مني
طلال الروقي
04 / 02 / 2012, 29 : 08 PM
البكرة معشررررررر ..

ماعليك من هديرها على البكار ..
مادامها تشااااااول وترفع راسها
فالح بن دحيم
04 / 02 / 2012, 06 : 09 PM
اعرضها على بعير ثاني غير بعيرك
هذا حصل عندنا وانا اخوك بس شف اذا عرضتها وكانت مجسر
طلعلها دكتور خله يفتش عنها وبعد 4 ايام ودها لبعير هايج يخصم الناقه
وانشاء الله تعشر
عيد السهلي
04 / 02 / 2012, 47 : 09 PM
يا هلابكم
البكره سنها جذعه
قطعت عنها وعطيتها ابرة اجسار
ابرة اجسار معطيها يوم ثالث ضربه لها ولا عشرت
يعني قبل شهرين
واخر ضربه قبل اسبوع و مسويت فيها شي ضربتها وخليتها
وها الايام يوم سقتها على الفحل تشاول مرتكزه راسها
الي يشوفها يقول معشر
ولا جت مع الابكار قامت تهدر وتبلش الابل
سالت دكتور بيطري عن حالتها وشرحت له
وعطاني ادويها صراحه مااقتنعت اخاف اعطيها وياثر عليها
انشالله ابنفذ تعليماتكم وبشوف عنها


غازي بن سعود العتيبي
ومحمدالوهبى التميمي
مشبب بن شباب
طلال الروقي
فالح بن دحيم
بيض الله وجيهكم
وماقصرتو
وعزالله انكم كفو
تقدرون الفزعه
ولله لا يهينكم
وبيض الله وجيهك
ويعطيكم العافيه وماقصرتو
ولا هنتو
خالد علي
05 / 02 / 2012, 56 : 03 AM
عندى اجذعه العام سوت مثل اسوات ناقتك و اكثر و ابشرك الحين خلفه
عيد السهلي
06 / 02 / 2012, 33 : 12 AM
عندى اجذعه العام سوت مثل اسوات ناقتك و اكثر و ابشرك الحين خلفه

الله يعين
الناقه انا متفاول ان انتجها زين وهي مضربه من بعير بناته يبعان على مئه الف
وانشاله انها معشر
يعطيك العافيه على ها المشاركه
وبيض الله وجهك
لا هنت