تطبيب

[احمد محمد السالم]

السلام عليكم ورحمة الله وبركاته ............................وبعد ؟؟؟؟؟؟؟؟؟؟

الي عندهم خبره ومعرفه بامراض البل ارجو ان لايبخلو علينا يااخوان

طال عمرك والكلام للجميع

عندي ناقه صابها مرض ولا ادري ويش هالمرض الناقه تطيح وهي واقفه وااليا بركة ما تقوم ارجو ان تعم الفائده على الجميع من خلال مشاركتكم وردودكم

ولكم جزيل الشكر

[عبداللطيف السعيدي]

هلابك ..
ياليت تعطينا معلوكات أكثر عن الناقة علشان نقدر نخدمك ..
هل هي لقحه ؟ خلفه ؟ صغيره ؟ كبيره ؟ وش علفها ؟
كم لها على هالحال ؟؟ وش الأعراض الي استنكرتها فيها ؟؟
بانتظارك ..
لكن من خلال ما ذكرت هي متوهنه وتحتاج كوي .

[احمد محمد السالم]

يا الله حيه

ياخوي الناقه كويناها قبل شهر ولا نفع والناقه ملاقي طال عمرك وبدنتها طيبه

[احمد محمد السالم]

علامكم يالربع

[مشبب بن حماد القحطاني]

إبرة VITAMIN B COMLEX تفيدها بإذن الله لكن تأكد بالأول هل تأثر على اللقاح من البيطري...وإذا كانت ماتأثر على اللقاح عطها الجرعه كامله وبيشرحها لك البيطري..
وعطنا علومها الله يفك عوقها

[محمد الوهبي التميمي]

ينقل للعياده البيطريه

[محمد المقباس]

انا اتوقع بحسب معرفتي البسيطة في الابل شيئين
اما كيس دهني ف البطن
او الهيام
متمنيا من الله ان يفك ازمتها ب اسرع وقت وفقك اللة لما يحبة ويرضاة
لك ودي

[احمد محمد السالم]

اشكركم اخواني على ردودكم

لكن اتوقع ان مرضها بالاعصاب لانها في بداية المرض مقامها كان ثقيل والحين ماتقوم لها اسبوع تقريبا ومن ناحية اكلها تاكل عادي والغريب انها مافيها تورم ولا في اي جهة من جسمها

[محمد سعد]

اخوي احمد...

اللي انا اعرفه ما تطيح الناقه وهي واقفه الا اللي فيها طير والله اعلم

الله يشفيها من مرضها.

[عبداللطيف السعيدي]

الظاهر والعالم الله إن ناقتك فيها فطريات في الدم .. ولازم تاخذ عينة من الدم وتحللها وتشوف ..
الأعراض اللي ذكرتها تدل على هالشي .. وأحيان وهي واقفه تلقاها تنتفض . الله يفك عوقها ,, وبشرنا بالنتايج .

[سلطان الدلبحي]

ناقتك يا احمد والله العالم ان فيهااا ذيبه

والعلاج الى الان ماوجد لها علالاج فعاااال

نسمع بعلاجاات وجربنهااا ولا فاادة معناا

[احمد محمد السالم]

اشكركم اخواني على ردودكم
وجزاكم الله خير

على مجهودكم

[صالح الجابري]

إن كان أكلها زين

ناقتك ما فيها الا العافية

وانتظر لين تولد وعطها ابرة (ركاز)

وبشرنا بولدها إن كانه فحل ولا لا

[خالدعلي المري]

اخوي احمد انا معا كلام الاخ محمد سعد
ناقتك الله واعلم ان الي فيها طير
عندي ناقه صار لها الموضوع هذا اطيح وهي واقفه وطلع الي بها طير
وفيه كورس طبي عند الدكتور سمير في قطر وهو احسن كورس لطير جربناه اذا بغيت اعطيك رقم جواله
لكن تعوض الله في بطنتها