وش رايكم بضراب الخلفه ؟؟

[مشاري المزيني]

أخواني عندي خلفه لها شهر ونص

وودي اضربها بأخر الموسم يعني بعد ماتكمل الحواره شهرين واكثر ابهد الفحل عليها

وش ايكم ؟؟ هل تكسر بنتها والا ماعليها ؟؟

علما ان الخلفه حالها طيب وحليبها لبنتها ماحلبها الا بالسنه حسنه ..

ولكم تقديري واحترامي ..

[مشاري المزيني]

هههههههههه ترى توي انتبه للموضوع (وش رايكم بضراب الخلفه)

كتبت الاستشاره من كبيوتر الدوام وعجل بالحيل

:)

[مشعل الشويش]

مرحبا يامشاري ..

انا عندي خلفات وناوي اكسبهـن فالاسابيع المقبلـه ..

اللي بنتها طيبه وألا قعودها مانيب مضربهاا ألاّ أني ساحبً الحواره من تحتها بضيـار ..

واللي بنتها عاديه ولها اكثر من شهريـن بضربهاا وبنتها معهاا ولايضرهاا بشي ,,

وبعض البل لاعشرت واخذت حول الشهر .. طردت ولدها اللي يتبعهاا وهذا يحصل فأبلً معي .

..

وكسبهاا واطلب التوفيق من علام الغيوب

[مشبب بن حماد القحطاني]

مرحبا يامشاري ..

انا عندي خلفات وناوي اكسبهـن فالاسابيع المقبلـه ..

اللي بنتها طيبه وألا قعودها مانيب مضربهاا ألاّ أني ساحبً الحواره من تحتها بضيـار ..

واللي بنتها عاديه ولها اكثر من شهريـن بضربهاا وبنتها معهاا ولايضرهاا بشي ,,

وبعض البل لاعشرت واخذت حول الشهر .. طردت ولدها اللي يتبعهاا وهذا يحصل فأبلً معي .

..

وكسبهاا واطلب التوفيق من علام الغيوب
ماقصر أخوي مشعل بيض الله وجهه وإياك
عز الله كلامه وافي وهذا اللي أصلحه في إبلي
تحياتي

[سلمان مرزوق]

طيب يااخوان . هل كل خلفة يضربها الفحل تعشر؟

[رميزان الدوسري]

اهم شي تكون ميسر لا تضربها الا ميسر وطالبها البعير لا تعسرها والله الله بالبرسيم اكرمها لين تيسر وعسى الله يرزقك في حلالك

[مشعل الشويش]

طيب يااخوان . هل كل خلفة يضربها الفحل تعشر؟


بالطبـع لا ياسلمـان ...

لكن الأخ ناقته حالها طيّب ومكرمها وحليبها قليل اكيد ميسر 100% .. والله اعلم .

ودائماً الخلفه اللي حالها طيّب ولها شهور من ولادهاا تيسر وتلقح بإذن الله من اول ضراب .

..

[حزام العاطفي]

اررحب يامشاري الاخوان ماقصروا
لكن شوري عليك اذا تحتها بكرة طيبة لاتكسبها
الا اذا اعترض لك بعير فاخررر ومسمي والحوار عمره من ثلاث شهور وفوق فتبارك بالله وكسبها
اخيرا الله يدلك على اللي فيه خيررررر

[محمد ساعد]

ياخوي مشاري انا اولت العام كسبت خمس والعام ثنتين وذا العام مالي نيه طلع الانتاج اقل من المعتاد حتى الي كان يشري مني القعدان اخذ اثنين وابطن عنده ما راحن ديره
والله اعلم

[خالد السقياني]

مرحبا اخوي
نعم تكسر الحواره
حتى ولو ما غرزت امها
مثل ماقالو الاخوان
ان كان الحواره طيبه لاتكسبها

[طلال الروقي]

اذا كانت حيرانك طيبة وتأمل منه خير لا تضرب أمهاتها الا اذا كبرن ..
اما عكس ذلك .. أضربها البعير واللي عقد روس الحبال يحلها

[عبدالعزيز الفضلي]

وين اخوي مشاري


انا كان معها قعود
فخل الفحل يضربها اليوم قبل بكره

ون كان معها بكره

لا خلها اول الموسم القادم


هذ وجهة نظري القاصره

[صالح بن حسن البقمي]

وين الي يعطينا العلم

[سلطان بن مفرس]

أضربها البعير واللي عقد روس الحبال يحلها

قالها طلال
وخذها مني تخصص كسبها لا طلبت الفحل والله ضربت على ثلاثه وعشرين يوم وربك رزقها وعشرت
لكن لا تعدت الاربعين وحالها طيب توكل على الله
ولاتكسر بنتها علف واكرمها خصوصا البرسيم

[صالح بن حسن البقمي]

عطونا تجاربكم نستفيد

[عزيزالحميدي]

اللي يعلف ويتعب يضرب

واللي علفه قليل يصبر

والخلفة خلها تروبع يعني اربعين يوم

لين يجدل الحوار وهي تنظف وتنشط لليسرة

واكرمها وهد الفحل

واكرم حوارك وبعد الساعة التاسعة اشبك حشوك عن امهاته
وخل العلف ناقع بمعالفه والفجر فك الحشو لامهاته
يعني لايمرح مع امه فالليل

واللي كاتبه الله لك يبي يحصل لكن هذي اسباب وتجارب


والله يرزقنا واياك



.....

[خالد بن عصاي]

أضربها البعير واللي عقد روس الحبال يحلها

[صالح العاطفي]

بلمختصر الحوار الزين لاتكسب امه

والحوار الشين كسب امه ولا عليه

بيرضع امه كم شهر لين تطرده

[خالد علي]

اذا تكرم الخلفات كسبها و اذا تطعمها بحساب لا تضلمها خلها لين اول الموسم