موضوع يستحق الأهتمام .... ؟

[حمد القباني]

ألسلام عليكم ورحمة الله وبركاته ..


أخواني هناك ظاهره لفتت أنتباهي أنتشرت في الفتره الأخير مع كثرة المزاينات / وعرض ألأبل والتسويق ..

وهي / تركيب الحاشي أو تضييره على حوار بما يسمي ( دبدوب ) .. وتختلف المسميات مع ثبات الحاله ..
بحيث أن الحاشي يبدأ بالحدام على هذا الحوار .. ومتابعته حيثما ذهــب ..

فأنا في موضوعي هذا أعتبره مقدمه لـ معلومات دسمه ومفيده .. يمتلكها أغلب أعضاء هذا المنتدى الثري ..
وساحه لطرح .. الخبرات والتجارب .. ونثر الأراء وأبداء وجهات النظــر ..

وأتمنى تسليط الضوء على عدة نقاط .. منها /

- مراحل أجراء هذه الطريقه .. أو وصف كيفية عمل هذه العمليه ..
- فوائد هذه الطريقه .. من حيث تغير طبع الحاشي ، وهل تؤثر هذه العمليه على شكل الحاشي ..
- سلبيات وأيجابيات هذه الطريقه .. وأن أمكن توضيح حكمها الشرعي ..
- الأدوات اللتي تستخدم .. لأتمام هذه العمليه ..
- الأوقات الزمنيه .. المطلوبه لـ نجاح هذه العمليه من فشلها ..
- ألبيئه المناسبه لـ اتمام هذه العمليه بنجاح وسرعه وسهوله ..



وشكراً لكم .. أتمنى تثبيت الموضوع

[عبدالله الجوفان]

السلام عليكم ورحمة الله وبركاته
اولا انا مستغرب سبعين مشاهد على موضوعك ولا احد رد ليش مادري مع انه صحيح موجوده هالظاهره
ثانيا انا يشرفني اني اشارك معك واكون اول مشارك بالموضوع
ثالثا اعتقد انه مايجوز هالتصرف لانه موطبيعي دليل انهم يضيرون البكار الدق وهاذا مو طبيعي يعني تلقا حقه وتحدب عالحواره موهمينها انها بنتها واغلب من يسوي هالشي الشريطيه عشان يبي البكره تحتفل وتدحم السيارات واتحدب واتهادر عالبكره ومثل منتو عارفين هالاشياء يزيد في جماليات البكره وهاذا مايجذب الزبون الي اغلبهم بالاونه الخيره ينقصم المعرفه في بعض الامور وانا اعتقد انه مايجوز لان مايصح الى الصحيح ليش ماتكون على طبيعتها وجمالياتها الي الله معطيها لها وبهالطريقه ماينغشون بعض الناس من هالتصرف الي مايصلح وانا بالاخير هاذي وجهة نضري وشكرا لك على هالموضوع وتقبل مشاركتي والختام سلام

[محمد الوهبي التميمي]

فعلا موضوع يستحق النقاش
وانا آراء ان هالظاهره غير طبيعيه
مع العلم عملية التركيب لا تحتاج وقت او تعب
مجرد إحضار البكره في مكان مظلم تماماً كغرفة او ماشابه وافزاع البكره بأصوات غريبه وفي هذه الحظه تجيب الحاشي لتتم عملية التركيب
هذي من ضمن الطرق اللي عرفتها من الاشخاص اللي ركبو على بكارهم
وفالختام اشكرك على طرح مواضيع مهمه لنقاش