البل جاها الرعام اعالجها او اخليها ؟؟؟؟؟

[عبدالعزيز الفضلي]

السلام علكيم


مدري عندي بس او عندك بعد مثلي



الحيران والمفاريد وبعض الحقايق


جاها رعام خشومها الله يكرمك مخاطين


وش الحل


هل اعطيها علاج

او هي مسألة وقت و اصبر عليها وتأخذ مناعه طبيعيه

وهل فيه خطوره من المرض




الحل يا القروم والحوات الغانمه

[خالد العايذي]

السلام علكيم



مدري عندي بس او عندك بعد مثلي



الحيران والمفاريد وبعض الحقايق


جاها رعام خشومها الله يكرمك مخاطين


وش الحل


هل اعطيها علاج

او اصبر عليها وتأخذ مناعه طبيعيه



الحل يا القروم والحوات الغانمه





وعليكم السلام ورحمة الله وبركاته
هلا بعبدالعزيز
خل حيرانك ومفاريدك على حالها لاتعارضها واللي مرها مايضرها بإذن الله ومخاطينها ايام وتنتهي وخصوصا ان هالحالة مايصاحبها حرارة وهذا طبيعي جدا لكن يرد الحوار عن الرضاع ويرد المفرود عن الأكل بشكل خفيف ملاحظ
والخلاصة ياهب الريح انه زكام
لكن افضل وقاية لايمرح الماء في الحيضان وأسقهن الى دفى الجو ومرة وحدة كل يوم

تحياتي للجميع

[محمد الوهبي التميمي]

كلام الاخ خالد صحيح 100٪
ولا عليها خلاف باذن الله

[طلال الروقي]

مجرد أيام بس طال عمرك

[فندي سعيد العتيبي]

الوضــــــــــــــــــــــــــــــــــــــــــــــ ـــــــــع عـــــــــــــــــــــــــــــــــــــــــــــــــ ـــــــــادي

[طلال الجميعي]

اقطع عنها الماء
واغسل خشومها بماء وملح عشان ان كان زكمة تروح
وان كانت ملتهبة الملح زين مع الماء الدافي
كنه مضاد حيوي

[مشبب بن حماد القحطاني]

ماقصروا الإخوان ياخوي عبدالعزيز وأهم شيء الماء يكون في عز الظهر فقط
تحياتي يالغالي