كيف اعرف البعير ان فيه هدب

[فهيد الدعجاني]

السلام عليكم ورحمة الله وبركاته
اخواني انا عندي بعير مزاين شريته من سنه البعير اول ما اخذته ضعيف جدا وخذ ثلاث شهور تحسن شوي
وبعدين عطيته حبوب السمال وبر جرب وفتيمنات وملح والبعير تحسن شوي زانت شعرته لاكن مايزود حاله يضعف وسمعت عن الهدب كيف اعرفه كيف اعالجه

[سعيد المشرف]

وعليكم السلام ورحمته وبركااااااااته

الهدب بين تعرفه لا فتحت فم البعير اذا طويل مره وزايد وعلاجه قصه

[طلال الروقي]

الهدب واااااااضح في شدوق البعير ..
مثل العروق بحجم كبير داخل فم المطيه

[خالد السقياني]

الهدب واضح
مايجتر البعير زين
واذا اجتر مايقدر
يطبق اضراسه
على بعضها

[مشبب بن حماد القحطاني]

أخوي فهيد أتذكر طرحت قبل كذا موضوع عن حالة البعير بأن حاله ضعيف وإنك جربت معه أكثر الأدويه وأسأل الله أن يشفي بعيرك..والإخوان ماقصروا عن الهدب
لكن لو اللي في البعير ماهو بهدب والبعير غالي عليك ورى ماتودي البعير مستشفى الأحساء ماتدري يمكن يكتب الله شفاه عندهم أو على الأقل يشخصون حالته..
وإسمح لي على اللقافه لكن من غلاتك

[فهيد الدعجاني]

مساء الخير
انا اشكر جميع الشباب على مشاركتم ماقصرتم
بيض الله وجيهكم
واشكر مشبب على نصيحته يقول انها لقافه لا بالعكس هو الصحيح
بس اخوي مشبب وشرايك في مستشفى بريده
كيف الطريقه هل هي مواعيد او كيف

[مشبب بن حماد القحطاني]

مساء الخير
انا اشكر جميع الشباب على مشاركتم ماقصرتم
بيض الله وجيهكم
واشكر مشبب على نصيحته يقول انها لقافه لا بالعكس هو الصحيح
بس اخوي مشبب وشرايك في مستشفى بريده
كيف الطريقه هل هي مواعيد او كيف
ماعندي فكره ياخوي فهيد لكن ممكن تنزل موضوع جديد وتستفسر عن المستشفيين وطريقة الحجوزات إذا فيه والإخواااان خبرتهم أكثر مني
تحياتي

[محمد الوهبي التميمي]

ياليت تذكر حالة البعير يافهيد
وش الادويه اللي عطيته من قبل
والآن وش حاله
وينسبه المستشفى
الاحساء هو الافضل من ناحية الإمكانيات
ومشرف العيادة البيطريه الاخ بدر النفيعي من احد منسوبي المستشفى بالإمكان مراسلته والاستفسار عن طرق التواصل للمستشفى

[خالد بن عصاي]

بالنسبة لمستشفى القصيم بدون سرى تعال الصبح وان شاء الله يخلصونك بسرعة

الله يشفي بعيرك