منهو له الوسم يالمطاليق

[مشبب بن حماد القحطاني]

السلام عليكم ورحمة الله وبركاته
يالربع عندي ناقه شريتها الغالب إنها مريه وعليها حاشي كفو
وعليها وسم قديم يالله يبان
وهو عباره عن مطرق بالطول و بجانبه حرف U مقلوب على الرقبه من اليمين

وأظن إن فيه شاهد مطرقين صغار فوق بعض في أعلى اليد اليمنى
وفيه على الفخذ اليمين علامه تشبه المطرق ماأدري هي وسم أو جرح قديم


تكفون دلوني عسى نعرف أصل القعود
تحياتي للجميع

[عبدالعزيز الفضلي]

اخوي مشبب


صبحك بالخير


ان كان الوسم شبيه بـ 71 تقريبا

فهو معروف وسم جاري وابله كفو كفو كفو

وبشر فحل تكفى لا تفكه

وعطني رقم جوالك وارسل لك وسمه على الوايت ساب


وان شاء الله يفيدونك الاخوان

[عبدالله حمد العتيبي]

الوســــم كذااااا / n|| ..

اذا زي اللي فوق

هـــذا وســــــم الشيـــــابيــــــــــن

[مشبب بن حماد القحطاني]

يالربع الوسم شبيه بهذا الشكل ni على الرقبه من اليمين وبدون النقطه اللي فوق المطرق
ومطرقين صغار بالعرض في أعلى اليد اليمنى مثل هذا الشكل =

[محمد ابو عدوة]

1U1 على الرقبه من يمين وسم ال جحيش ال مره

[محمد بن مرهي]

يا طويل العمر الوسم اقصد الهلال فتحته من فوق والا من تحت وهل من يمينه ويساره مطارق والا لا وهل الناقه مجهم والا مغتر وضح لنا على شان نفيدك

[مشبب بن حماد القحطاني]

يا طويل العمر الوسم اقصد الهلال فتحته من فوق والا من تحت وهل من يمينه ويساره مطارق والا لا وهل الناقه مجهم والا مغتر وضح لنا على شان نفيدك


مرحبا بك خوي محمد الناقه مجهم كحل والهلال فتحته لتحت وعلى يمينه مطرق بالإضافه إلى مطرقين صغار يشبه الشكل = أعلى اليد اليمنى

[خالد العايذي]

وعليكم السلام ورحمة الله وبركاته
مرحبا بك يابوشباب
الوسم اللي ذكرت من الوسوم المشتركة ولكن والله أعلم ان الناقة حدارية وهو اللي يهمك
ووسمك هذا هلال حادر ومطرق لآل مسفر من آل جميدان من آل جحيش من آل بحيح من آل مرة
وأما الوسم اللي ذكره أخونا محمد ابوعدوة مطرقين وهلال ساند فهو لآل جميدان من آل جحيش من آل مرة
ومن آل جحيش آل سفران ياسمون المخلب على الفخذ من يمين وياسمون هلال ومطرق ورقمة على الرقبة من يمين
واما المطارق على العضد فهي شاهد


تحياتي للجميع

[مشبب بن حماد القحطاني]

ومن آل جحيش آل سفران ياسمون المخلب على الفخذ من يمين وياسمون هلال ومطرق ورقمة على الرقبة من يمين
واما المطارق على العضد فهي شاهد



تحياتي للجميع



أرحب ياخوي خالد وبيض الله وجهك وجميع الإخوان اللي شاركو ا عبدالعزيز وعبدالله ومحمد أبوعدوة ومحمد بن مرهي....
الوسم اللي ذكرته لآل سفران وسم الناقه
وآل جحيش إبلهم كفو والناقه كفو وأنا ودي أفحل حاشيها فلو عندك فكرة يالقرم عن فحول وإبل آل سفران أكون لك من الشاكرين

[خالد العايذي]

أرحب ياخوي خالد وبيض الله وجهك وجميع الإخوان اللي شاركو ا عبدالعزيز وعبدالله ومحمد أبوعدوة ومحمد بن مرهي....

الوسم اللي ذكرته لآل سفران وسم الناقه

وآل جحيش إبلهم كفو والناقه كفو وأنا ودي أفحل حاشيها فلو عندك فكرة يالقرم عن فحول وإبل آل سفران أكون لك من الشاكرين




هلا يابوشباب وتبقى
الوسم لآل مسفر أما آل سفران منهم من ياسم المخلب ومنهم من ياسم الهلال الساند ومن يمينه رقمه عن يساره مطرق
ولاعندي جعلك تسلم معلومات عن زمولهم



تحياتي للجميع

[مشبب بن حماد القحطاني]

لاخلا ولاعدم ياخوي خالد

[محمد بن مرهي]

باختصار شديد جداً

خيرة ابل ال مره كلها ابل ال جحيش وبدون منافس ومن ابلهم القعيسه الغنيه عن التعريف والوسم الي ذكرته وسه ال مسفر من ال جحيش وابلهم طيبه وكفو ولعلمك ماني بــ جحيشي بس كلمة الحق تنقال المهم ان كان القعود طيب فـ هده في ذودك وتوكل على الله وان كان بتبيعه شريته

والسلام ختام

[مشبب بن حماد القحطاني]

باختصار شديد جداً


خيرة ابل ال مره كلها ابل ال جحيش وبدون منافس ومن ابلهم القعيسه الغنيه عن التعريف والوسم الي ذكرته وسه ال مسفر من ال جحيش وابلهم طيبه وكفو ولعلمك ماني بــ جحيشي بس كلمة الحق تنقال المهم ان كان القعود طيب فـ هده في ذودك وتوكل على الله وان كان بتبيعه شريته


والسلام ختام

لاخلا ولاعدم ياخوي محمد وبيض الله وجهك يالقرم
والقعود بأفحله إن شاء الله
وإن إني بأبيعه أبشر لأراسلك وأعطيك خبر