لأهل الخبره

[فهدالنومسي]

اسلام عليكم ورحمة الله وبراكاته
ياخواني انا عندي اربع انياق لمني حطيت نصف كيس شعير
عشاء وتبنه بالغداء
وحالتهن ضعيفه وياكلن الدمنهن اعزكم الله

وناس يمدحون علف وافي
وابي طريقة علف الوافي لاربع النياق

[محمد ابو عدوة]

مرحبا اخوي فهد البل لا يذبحها دهر ولا يسمنها شهر نص كيس شعير او وافي وربطة برسيم بترقى شحم واضربها ابرة الجرب عنه وعن الدود .

[مشبب بن حماد القحطاني]

ماقصر خوي محمد يبي لها وقت وزي ماقال أخوي محمد عطها إبرة الجرب وعطها ملح أزق وإن شاء الله بتترك أكل الدمن

[فهدالنومسي]

ياخواني الطيبين انا بطيتهن ابره وعطيتهن حبوب دود
وماثربهن

[مشبب بن حماد القحطاني]

عطها بعد إبرة الهيام الفرنسية حتى لو مافيه أعراض للهيام وإن شاء الله تكون وقاية وعلاج في نفس الوقت وكرر علاج الدود بعد إسبوعين من الجرعة الأوله

[محمد الوهبي التميمي]

وش النياق عشاير او بكار او خلفات
وكم لك في هالبرنامج
على العموم لاحقه خير ان شاء الله
وأخلط برسيم مع التبن

[فهدالنومسي]

النياق حيل وابي العلف الافضل وشو

[مشعل الشويش]

شعير حد الشبعـه ..

والبرسيم خله ناقـــــع ...

وابشر بما يسرك

مع الاخذ بملاحظات جميع الاخوان اعلاه ...

[سلطان بن مطلق العصيمي]

البل تاكل الدمن من الشعير الي انت تحطه لها ان عطيتها وافي وبرسيم وقفت عن اكل الدمن وان استمريت على الشعير فالشعير مافيه كلام ومن ناحيه اكل الدمن كل ناقه تاكل شعير تباتاكل الدمن نياقك وغيرها وملاحظه الناقه ماتسمن في يوم والا سبوع يبيلها وقت طويل على شان تبين الضرمه فيها واتوقع نياقك ما فيها مرض ضعف حال فقط اتمنى اني افدتك

[محمد ساعد]

لفه رودس و الوافي ثلاثه ايام وبعد عشرين يوم تشوف فرق
الدمن اذا ما صار الاكل عند راسها تاكل خصوصا اذا تعودت على الملح وقطعته لكن بينسن مع الرودس ولا عاد تعطي ملح

[صعفق الدوسري]

اخوي البل الحيل عكها رودس بس لين تلقح لامن لقحن عطها وافي كل وحده عطها في اليوم 2كيلو وافي مع لبنتين رودس وانا المسؤول واكل الدمن من الشعير اقطعه اريح لك الوافي فيه شعير وبرسيم ورودس وذره