وش رآيكم بالحوآره الصفرآء يآهل البل ؟؟

[مشآري بن سعد الحربي]

http://i.imgur.com/q8z8G.jpg

http://i.imgur.com/6Ysav.jpg

وش رآيكم يآرجآل ؟؟

[طلال الروقي]

عادية جدا يابو سعد ..
مافيها مايميزها

[فندي سعيد العتيبي]

اذا تسئل عن الزين فهي في وجهت نظري عاديه

[مشآري بن سعد الحربي]

الروقي & فندي

هلآ وسهلآ حيآكم الله

غريبه !!!!!

فعلآ كلن له نظر ،،

الحقيقه كل من شآف هالحوآره من اهل النظر والصنف مدحهآ بالزين الغير عآدي

يمقن ع الطبيعه تختلف ويمقن لآ :)

عموماً الله يبيض وجيهكم ويرفع مقدآركم

[حاتم العماري]

ماشوف شي يميزها وهي توها صغيره واحتمال التغير للاحسن وارد
تقبل تحياتي

[صالح بن حسن البقمي]

والله انا اقول كفو وموجهه! انشالله الله يرزق

[مشآري بن سعد الحربي]

العماري حياك الله ولاهنت

تقديري

[مشآري بن سعد الحربي]

مراااااحب اخوي صالح يالله حيه

اسعدني تواجدك ولاهنت

تحياتي

[مشآري بن سعد الحربي]

هذي صوره اخرئ


http://i.imgur.com/L1QqQ.jpg

[صالح بن حسن البقمي]

ماشالله عليها راسها كبير مو في عمرها الله يستر عليها

[فايز المغيري]

لاهنت يا الاخو الحواره عاديه جدآ

[مشبب بن حماد القحطاني]

صعب الحكم عليها في هذا السن
لكن اللي أشوفه عالصورة إنها عاديه وأتفق مع رأي أخوي حاتم العماري
وعسى الله يرزقك بالبكار الغوالي

[عبدالعزيز البقمي]

عاديـــه حاليا

لاصارت البكره مفروده بتغير واجد سواء للاحسن او العكس

وكل ماكبرت كل ماتغيرت

وان شاء الله تزين مع الايام

..

[خالد الفالح]

وسرتها حلوه

ظهرها وغاربها ولونها وشعرتها طيبه

ومقدمهامن الرقبه للراس لك عليه والبكره بتطلع مقنوي والله العالم ولا تفرط فيها بتجيك ولا تاخذ فيه راي قبل تفردها

[مشآري بن سعد الحربي]

لكل من توآجد في متصفحي

الله يرفع مقآمكم ويسعد أيآمكم

تقديري للجميع

[مشعل الشويش]

الحواره عاديه جداً .. ولافيها أي ميزه تميزها عن جايز الحيران ..

أسأل الله أن يبارك لك فيها ويرزق بالبكار الغوالي

[عبدالرحمن الوهبي التميمي]

الله يبارك لك فيها

لكن انا اشوف الحوارة كأنها مجهم ماهي صفراء

[مشآري بن سعد الحربي]

الله يبارك لك فيها

لكن انا اشوف الحوارة كأنها مجهم ماهي صفراء


مرحبآ يالتميمي

الحوآره صفرآء دبس

الله يجزآكـ خير

[صالح العاطفي]

وسرتها حلوه


ظهرها وغاربها ولونها وشعرتها طيبه


ومقدمهامن الرقبه للراس لك عليه والبكره بتطلع مقنوي والله العالم ولا تفرط فيها بتجيك ولا تاخذ فيه راي قبل تفردها


الحواره حلوه واعطيها نسبه 50%
واتفق مع الاخ خالد في وصفه

[عبدالله حمد العتيبي]

الـحـيـران مـاهـي سـوى ..
يـاكـم شفـنـا بـكـار وهـي صغـيـره عـاديـه جـدا
وكـل مـاكـبـرت كـل مـازانـت ..
ويـاكـم بـكـره وهـي صـغـيـره طـيـبـه
وكــل مـاكــبــرت كـل مـانـقـصـت ..
والـفـــــردي فــــردي صـغـير وكـبـيـر

[بندر الرويلي]

عاديـــه حاليا

لاصارت البكره مفروده بتغير واجد سواء للاحسن او العكس

وكل ماكبرت كل ماتغيرت

وان شاء الله تزين مع الايام

..

مع صاحب هذا الرأي

[مشآري بن سعد الحربي]

الله يبيض وجيهكم جميعآ

تحيآتي وتقديري لكم

[أحمد التميمي]

طيبه الله يباركلك فيها