هل للراعي دور في بركة الابل

[محمد المنصوري]

السلام عليكم ورحمة الله وبركاته
جميع اعضاء وزوارلمنتدى مزاين
احب أسأل سوال هل للراعي دور في بركة الحلال بمعنى ان احدهم مهما يبذل من جهد ولكن ترى البل مشاكلها كثيرة من موت حيران الى قل لقاح الى ان البل تكسر اذا لقحت واذا جاه حوار طيب اما زود عليه العلف لين يلين يديه او ينفده مع العلم ان الانسان مؤمن بما كتبه له الله ولكن هذا لا يتعارض مع اعقلها وتوكل وكذلك اسعى يا عبدي وانا معك
ومن وجهة نظري مهم جدا التدبير في الامور ووضع كل شي في مكانه المناسب في الوقت المناسب وبعد ذلك الاتكال على الله سبحانه وتعالى
ونرحع هل يد راعي من راعي تفرق؟

[محمد بن حمد القحطاني]

السلام عليكم ورحمة الله وبركاته


ما فيها كلام

بعدالله سبحانه وتعالى

العامل له يد كبيره في الأبل

من حيث الانتاج والمعالجه و الحرص الزايد وأن يعامل الابل كأنها ابله وليست ابل عمه

هذا ولك تحيتي

[خالد السديري]

السلام عليكم ورحمة الله وبركاته


ما فيها كلام

بعدالله سبحانه وتعالى

العامل له يد كبيره في الأبل

من حيث الانتاج والمعالجه و الحرص الزايد وأن يعامل الابل كأنها ابله وليست ابل عمه

هذا ولك تحيتي

مع الاخ محمد
بالاضافه الى حسن المعامله مع الراعي محاسبته بالتقصير واكرامه بحسن التدبير

( لا تكن لين فتعصر ولا تكن قاسي فتكسر )

[محمد المنصوري]

اشكر لكم مرور كم الكريم ولكم جزيل الشكر

[سالم محمد الدوسري]

البركه وانا اخوك من الله ومن يد الكداد اللي يحط من مخباه والى الراعي وش منه الخير بيجي ياخذ راتب ويسرح وفي الليل ساري للعزب

او انه مهمل وقل المراقبه لهم وتلقاه يسوي اي حاجه بس كب علف كب علف حط ماء حط الماء

وهاذا حاله


وفيه رعيان لا والله يديهم مباركه ويخافون الله ويهتمون بالحلال


وعليك بالزكاه ! ! !

[مشعل الشويش]

البركـه من اللـه سبحانـه ..

ونعم الراعـي لـه دور كبييييير ...

فهـو صاحب الحلال وهو المُدبر لـه حسب التوجيهات ..

وأنصحك بالعامل الأميـن اللي فيـه ديـن وذمـه .. مهما كلف البحث عنه ومهما ارتفع أجره .

والهنود / انصحكم عنهم .. لاجيته لاهو مطيـع ويسابق الريح وفي غيبتك يسوّ العجايب . !

ولابد من متابعـة العامل والاشراف عليـه وأن كان عملك يجبرك على الابتعاد . فوكّل احد الاخوان يقوم بالمتابعه ودبرة الحلال .

...

وفعلاً بعضهم ضويّته ضويّت خير .. و بعضهم مافيه بركه .

[محمد المنصوري]

الاخ سالم محمد الدوسري اشكر مرورك اما بالنسبة للزكاة فهي ركن من اركان الايمان

الاخ مشعل الشويش نصيحه مقبولة من عارف ومجرب اسأل الله ان يبارك لك في حلالك ونفسك

[مشبب بن حماد القحطاني]

ماقصروا الإخوان
تحياتي

[ممدوح احمد الشريف]

البركه انا اخوك بالحرص على الرزق الحلال ... وكثرة الاستغفار ... والصدق .. والزكاه ..

لو تحرص عليها بعون الله تعالى ربك يبي ييسر لك الراعي المبروك

ومن ادخل في حلاله مال حرام ما تبارك ومن نزع البركه عدم التوفيق في الراعي الامين المخلص

والله يبارك لنا ولكم

[عبدالرحمن التركي]

ممدوح احمد الشريف;البركه انا اخوك بالحرص على الرزق الحلال ... وكثرة الاستغفار ... والصدق .. والزكاه ..

لو تحرص عليها بعون الله تعالى ربك يبي ييسر لك الراعي المبروك

ومن ادخل في حلاله مال حرام ما تبارك ومن نزع البركه عدم التوفيق في الراعي الامين المخلص

والله يبارك لنا ولكم
هذا الرأي السديد بارك الله لنا ولكم في الحلال والاولاد الصالحين