ابي النصيحة في الخلفة اللي حليبها مايجي عليه رغوه

[سعد بن ناصر]

عندي خلفة لها شهرين منتجه وحليبها وسط واكلها برسيم وتمر وخبز ناشف
مشكلتها ان حليبها ما يجي عليه رغوة مثل خواتها وحليبها ثقيل شوي مع انها ام ثالث
وصحتها زينة ماشاءالله والبرسيم ناقع مايفضى المعلف منه


وش النصيحة في مثل حالتها

[عبداللطيف السعيدي]

غير عليها العلف ,, بمعنى فكها ترعى وتاكل حمض وغيره .
وقد تكون المشكلة من الحلاب نفسه .

[سعد بن ناصر]

الحلاب يحلب غيرها ومافيه مشكلة والحمض ماحولنا حمض

[فهد الأحمد]

دقها إبرة هيام الفرنسية

(( سيميلرسان ))

وعقب ساعة أحلب وإغتبق وفيه العافية

وسلامتك

[بندر الرويلي]

خلها على البرسيم وبس واقطع عنها التمر والخبز وخلها تمشي واذا ما طلع لها رغوه فالبلا ماهو من العلف من الناقه

[عادل الضويحي]

السلام عليكم
الظاهر انه من الديره او الارض اللي انت نازل فيها رعيها يمكن وخام يعني الشجر اللي حوللك
يمكن مر طعمه والله اعلم

[محمد الوهبي التميمي]

امنعها من الخبز
والاكتفى بالبرسيم فقط

[عبدالعزيز البريدي]

دقها إبرة هيام الفرنسية


(( سيميلرسان ))

وعقب ساعة أحلب وإغتبق وفيه العافية


وسلامتك



الي اعرفه ان ابرة الهيام ما ينشرب حليبها الا بعد 14 يوم :mwalat10:

وبالنسبه للناقه يا راعيها ديدها فيه شئ ؟ ورم خباش ؟

[محمد المسعد]

علف خبز فقط وتشوف الرغوه....وايضا اضربها ابرة الهيام حتى لولم يظهر عليها اعراضه

[متعب بن سالم]

مع الأخ محمد التميمي 100%
وفق الله الجميع ..

[سطام الخالدي]

السلام عليكم

الرجال يقول حليبها ماعليه رغوه مثل باقي الخلفات (خواتها)
يعني خواتها مابها بلا
واذا علفها واحد
البلا في الناقة
مع الاخ فهد "ابرة الهيام"
ومع الاخ عبدالعزيز في مدة الانسحاب
يعني لا تشرب حليبها الا بعد 14 يوم
وتحياتي للجميع

[محمد بن علي الكناني الزهراني]

السلام عليكم
أرحبو يا رجال
والله العالم أن الرغوة مرتبطة بالدود ، عطها شراب دود ( فيه شراب دود جالون أبيض 1 ليتر عطاه أحمر ) 3 مرات كل عشرة أيام على جوع . وبتشوف الرغوة كيف.

[مشبب بن حماد القحطاني]

امنعها من الخبز
والاكتفى بالبرسيم فقط
كلام سليم 100%

[أحمد الفلاح]

مرحبا يا بوناصر .. ولا يهونون الربع .. الكل أجتهد ولا قصروا وأنا بصير منهم وبعطيك العلم اللي في راسي .

عطها حبتين دود وبعد أسبوعين حبه .. وبعدين إذا تبي الرغوة صح عطها ذره وبتشوف الرغوة .

ولكم تقديري .. أبوعبدالرحمن

[سالم محمد الدوسري]

والله تعددت الاقاويل وكثرة العلاجات والطعام

عطها ابرة هيام وكررها عليها عقب 21 يوم وخلها على جنب لاتحلبها دام عندك مايسد محلها

من واقع تجربه سابقه

والبرسيم والشعير هو العلف للحليب

[عالي العماري القرني]

السلام عليكم

الرجال يقول حليبها ماعليه رغوه مثل باقي الخلفات (خواتها)
يعني خواتها مابها بلا
واذا علفها واحد
البلا في الناقة
مع الاخ فهد "ابرة الهيام"
ومع الاخ عبدالعزيز في مدة الانسحاب
يعني لا تشرب حليبها الا بعد 14 يوم

وتحياتي للجميع


معك يا سطام وبإنتظارك يا سعد تخبرنا عن النتيجة

[سعد بن ناصر]

خذت بنصيحتكم وعطيتها ابره هيام الثلاثاء الماضي وللحين مخلي حلبيها لبنتها لحد ما ينتهي مفعول الابرة

ولكن يالربع الهيام يضمر الناقة وناقتي الحمدالله سمين واكلها زين بس اني ناقد عليها في انها ما تجتر وعينها تدمع بالاضافه ان حايبها مالها الا رغو بسيط

[مشبب بن حماد القحطاني]

ولكن يالربع الهيام يضمر الناقة وناقتي الحمدالله سمين واكلها زين بس اني ناقد عليها في انها ما تجتر وعينها تدمع بالاضافه ان حايبها مالها الا رغو بسيط[/QUOTE]

العين تدمع من أعرض الهيام وأناخوك

[محمد ال فالح]

البرررررررررررررررررررررررررررررررررررسيم