المساعد الشخصي الرقمي

مشاهدة النسخة كاملة : الخلفه قل حليبها وجبن

منصورمحمد
07 / 01 / 2012, 45 : 11 PM
الشباب حياكم الله
انا شريت خلفه وقبل اشتريها شفت حيبها زين وهديه وبعد يومين شان حلها و بطلت تعطف على حوارها عطيتها بنسلين وكنها زان حلها ورجع حليبها بس اليو م يوم حلبتها شفت حليبها قل وجبن او قطن وصارت ترغي
الي عنده معرفه لا يقصر
سالم محمد الدوسري
07 / 01 / 2012, 50 : 11 PM
على حسب معرفتي البنسلين يقلل من الحليب اذا مااوقفه

على كلام بيطري يقوله لي


بس احترازيا اضربها ابرة هيام وتاكد من الديد لايكون فيه ورم من داخل
منصورمحمد
07 / 01 / 2012, 57 : 11 PM
حياك الله ابو محمد

كلمت البيطري وقال هذا التهاب ونصحني اكمل خمس ايام بنسلين وعطاني ابر مرهم لديد احقنها داخل الديد
مشبب بن حماد القحطاني
08 / 01 / 2012, 14 : 12 AM
بعض الشريطيه غشاشين والله المستعان قبل يجلب الناقه مايحلبها يومين او أكثر أو يعطيها إبره مدره
عشان لما إنه جلبها يكثر حليبها ويغش الشاري وهذا إحتمال وبعضها تكون مضيره على غير ولدها!!
وودي أسألك ياخوي منصور عن سن الناقه وكم لها خلفه وويش تتطعمها وهل ديدها سليم أو فيه وريم؟؟عشان تتضح الصوره
ويقدر يفيدونك الإخوان
منصورمحمد
08 / 01 / 2012, 27 : 09 AM
الناقه ثنو وعمر حوارها 17 يوم وديدها فا فيه وريم وعلفها برسيم
بندر الرويلي
08 / 01 / 2012, 48 : 04 PM
يمكن ديد الناقه مخبش من البرسيم والله اعلم وهذي علامات الخباش اللي ذكرت اشوف انك تقطع عنها البرسيم 3 ايام وتستمر على البنسلين وتنظف ديدها يوميا بعد كل عطفه وترشه بماء بارد مرتين باليوم على الأقل وفك الناقه خلها تسرح ترى مايخبش بالناقه الا البرسيم وقلت المشي
محمد الوهبي التميمي
09 / 01 / 2012, 31 : 06 PM
استمر مع البنسلين وعطنا النتائج بعد اكتمال الجرعات
منصورمحمد
10 / 01 / 2012, 34 : 01 PM
مرحبا اخوي محمد
ابشرك ان الناقه صحت وحليبها صر زين وكثر بعد 5 ايام بنسلين
لكن عندي سؤال بعد كم يوم اشرب الحليب بعد توقيف البنسلين