كيف طريقة التضيير

[عيدبن سعدون]

السلام عليكم ورحمة الله وبركاته

عندي ناقه ماتت بعد الولاده وجابت قعود

وشريت ناقه ميت ولدها كيف اضير عليها

الحوار الى عندي على الناقه

[عبدالرحمن بن هادي]

حياك يــاعــيــد
هذا موظــوع يبيله واحد متخصص وعنده خبره ولا تحاول انك تجرب اذا ماعندك الخبره الكافيه وفيه بعض البل تركب الحوار من غير الضيار المعروف ببعض الطرق التي يحتالون بها علي الناقه

[عبدالعزيز الفضلي]

عط الخبز خبازه ولو اكل نصه


ولدت عندي ناقة ونفرت ولدها


وجبت المضير وخلال ساعتين


ركبته لا وبقوه يا ويلك تقرب ولدها


وزي ما قال اخوي عبدالرحمن


اخسر عليها 400 ريال والله يعوضك

[عبدالله حمد العتيبي]

في ناس يقولون ان فيه أبره عبآره عن مخدر
تعطيها الناقه و تتخدر والحوار يكون قدامها
بعد ماتقوم الناقه تلقا الحوار قدامها .. بعضها يركب وبعضها لا
وللآمانه الابره ماجربتها ..
بس حبيت افيدك
..

[محمد بن مطيليق]

هلابك

انا جربت الابره
الطريقه كالتاالي

ابرة مخدر من الصيديليه
عطها من 8 الى 10 سم

وبعد ان تتخدر قم بحشو خشمها بقطع من الملابس حتى لاتشم الحوار الجديد
ثم قم بربطه او وضع (تيب) شطرطون على خشمها لاحكامه جيدا

ثم احضر الحوار واربطه عندها (تكتيف ) واذا صحت فك الحوار وحاول ان يكون الحوار جايع شوي
عشان يرضع منها واترك خشمها مربوط لمده ثلاث ايام وان شاء الله تركب

وش رايك باللغه هههههههههههههههه

الله يبارك لك في حلالك

[عيدبن سعدون]

جزاك الله خير جميعا على جهودكم

ماقصرتم الله يجعله في ميزان حسناتكم

وعطين الخبز خبازه وان اشاء الله الامور تمام

الف شكر للجميع
اخوك
عيد بن سعدون