وش الراي مع غسيل البل هلايام

[راشد بن سعد]

صبحكم الله بلخير يربع ابي شوركم في تغسيل الحشوان الايام هاذي
عندي مفارييد وحقايق معزوله عن اماتها وجاها مثل
الجرب ودي اغشلها الضهر علي الشمس هل يضرها
ولني بقادر ادقها ابر عددها واجد مشالله وجافله
وش الراي ياهل العرف

[طلال الروقي]

صبحك الله بالرضا يابو سعد ...

أنا شوري علاك تستعين بالله وتدقها أبر جميعها أفضل لك ولهن .
أما أنك تغسل الحشو هالأيام أمكن يضرهن في البرد .
ولا يمكن علاجهن من الجرب بغسله واحده ,
يعطني راح تغسلهن أكثر وأكثر حسب تحسنهن من الجرب
والله ييسر لك أمرك في الدنيا والآخره

[مشبب بن حماد القحطاني]

أتفق مع الأخ العزيز طلال الروقي
تقبل تحياتي

[محمد الوهبي التميمي]

ارحب ياراشد
اللي في حشوك هذا قرع وليس جرب
اولاً
عزل المصاب
ثانياً
دهن القرع بطبقه من الفازلين

الإبر والغسيل في هالعمر وهالوقت ما انصح فيه

[محمد ال فالح]

ارحب ياراشد
اللي في حشوك هذا قرع وليس جرب
اولاً
عزل المصاب
ثانياً
دهن القرع بطبقه من الفازلين

الإبر والغسيل في هالعمر وهالوقت ما انصح فيه


نعــــــــــــــم اتفق معك قــــــــــــرع حك مكان القرع زين ثم ادهنا بالفازلين عده ايام وبتشوف النتيجه الطيبه ان شاء الله

[سالم محمد الدوسري]

طيب انت جرب في كم واحد اول طريقة الربع اللي يقولون فازلين

اعزل لك كم واحد وطرح على كيفك ثنين ثلاثه ان شفت تحسن اعزلها بشبكين وطلع على اثنين وثلاثه وعصبو روسكم عسى الله يعينكم :mwalat32:

[وافي مليح بن موطان]

لو جنا مطر الليلة ولا بكرة ضنك ان حشوانك بتموت من البرد ؟ !! ؟

يالربع هذي عطايا الله ماعليها خلاف باذن الله

[عبدالعزيز الفضلي]

اذا بتغسلهن عليك من قبل الظهر


وان شاء الله ما يشفون الا العافيه


او فيه علاج احسن من الابره بس غالي


سائل حطه مع النخال

[راشد بن سعد]

مشكورين على التفاعل يربع

اخوي عبدالعزيز الفصلي لو تذكر اسم الدوى الي تقصد مع التجربه عشان تعم الفاده

[عبدالعزيز الفضلي]

ابو سعد


ما يحظرني اسم الدواء الان


بس انا شاريه من صيدلية الخليج بالرياض في سوق الغنم بالعزيزية