الفحل والطبع اللي يرفع الضغط؟؟؟!!

[مشبب بن حماد القحطاني]

السلام عليكم ورحمة الله وبركاته
يالربع عندي واحد من الفحول جذع يثي المهم دخلت عليه واحده من النوق أمس بالخطاء وقت ماالعامل يعطي الزاد للفحل وعلى كلام العامل بركت له الناقه على طول والفحل المبروك حاول يضرب الناقه وهو مقيد وستر ربي ماكسر ظهر الناقه ولكن صار لها سحته على العيز من أثر القيد وبعدها العامل على كلامه رده وفك قيده ثم خلاه يضرب والعامل أظن ماطرى له يقول لي لولا إن شفت السحته على عيز الناقه....
يالربع هالطبع شين يعني ماعاد أقدر أهده مع البل وهو مقيد لايسوي نفس الحركه
ويش الطريقه عشان أنسيه هالطبعه تكفوون؟؟
علما أن الفحل كان مربوط مع البل ومقيد وماسبق إن عمل هالطريقه إلا بعد ماخليته يضرب وحده من المياسير قبل أسبوع وكانت أول إضراب له هالشتاء
ملاحظه: عندي فحل آخر ناب شريته قبل فترة وبرضه يحاول يضرب وهو مقيد وصرت مخليه في شبك مايطلع مع البل أبد

[محمد الوهبي التميمي]

ارحب يامشبب
هذا موب طبع او مسئلة تعود
البعير هايج والناقه بركت له
انا أشوف ان طبيعي وأي بعير بيسوي كذا
فك قيد البعير واضرب الناقه اللي تبي يضربها
او فكه طلق مع البل وخلها يضرب اللي يبي
والبكار اللي ماتبيه يضربها اعزلها بشبك لحالها
وعقبها عود واربطه
هذا رئيي

[عبدالعزيز الفضلي]

ما قصر اخوي محمد


كلامه عين الصواب


الله يبارك لك في حلالك

[عبدالرحمن العقيلي]

هذا شيء طبيعي وماقول الاالي قالة اخوي محمد التميمي

[علي القحطاني]

هذا شئ طبيعي وقت هياج وكل البعارين كذا يابن شباب.

[خالد العايذي]

هلا بك يامشبب ومرحبا
الامر طبيعي ماشوف مشكلة بعير شبب وناقة وبركت له لازم يصير هالشي
ولكن وان كان ودك تفكه مع البل ولا ودك يضرب الا على نظرك وهواك فقيده واهجره واقصر هجاره ومره ومرتين يتعود

تحياتي للجميع

[عبدالله حمد العتيبي]

ارحب يامشبب
هذا موب طبع او مسئلة تعود
البعير هايج والناقه بركت له
انا أشوف ان طبيعي وأي بعير بيسوي كذا
فك قيد البعير واضرب الناقه اللي تبي يضربها
او فكه طلق مع البل وخلها يضرب اللي يبي
والبكار اللي ماتبيه يضربها اعزلها بشبك لحالها
وعقبها عود واربطه
هذا رئيي

لا زيآده على ماقال ابو صالح

بيض الله وجهك يآ القرم

[مشبب بن حماد القحطاني]

ارحب يامشبب
هذا موب طبع او مسئلة تعود
البعير هايج والناقه بركت له
انا أشوف ان طبيعي وأي بعير بيسوي كذا
فك قيد البعير واضرب الناقه اللي تبي يضربها
او فكه طلق مع البل وخلها يضرب اللي يبي
والبكار اللي ماتبيه يضربها اعزلها بشبك لحالها
وعقبها عود واربطه
هذا رئيي
لاهنت يالقرم على الرد وهذي عادتك يالنشمي
لكن لي إستفسار : شفت فحل عند رجال طيب مايضرب أبد وهو مقيد وفكرت يمكن يكون معوده على هالشىء..وكذلك بعض الركاب اللي في السوق بعضها نفس الشيء ماتضرب وهي مقيده أبد!!

[مشبب بن حماد القحطاني]

ما قصر اخوي محمد



كلامه عين الصواب



الله يبارك لك في حلالك

لاهنت ياخوي عبدالعزيز عالرد
وتسلم عالدعوه الطيبه
وعسى الله يبارك لك

[مشبب بن حماد القحطاني]

هذا شيء طبيعي وماقول الاالي قالة اخوي محمد التميمي
لاهنت على الرد يالغالي

[مشبب بن حماد القحطاني]

هذا شئ طبيعي وقت هياج وكل البعارين كذا يابن شباب.

لاهنت على الرد يالغالي

[مشبب بن حماد القحطاني]

هلا بك يامشبب ومرحبا

الامر طبيعي ماشوف مشكلة بعير شبب وناقة وبركت له لازم يصير هالشي
ولكن وان كان ودك تفكه مع البل ولا ودك يضرب الا على نظرك وهواك فقيده واهجره واقصر هجاره ومره ومرتين يتعود


تحياتي للجميع


لاهنت على الرد يالغالي
وهل تقصد أقيده وأهجره بنفس الوقت؟؟

[مشبب بن حماد القحطاني]

لا زيآده على ماقال ابو صالح

بيض الله وجهك يآ القرم
بيض الله وجهك يالقرم

[نايف بن سعد]

اي يبن شباب

قيده واهجره وقصر في هجاره

[مشبب بن حماد القحطاني]

اي يبن شباب

قيده واهجره وقصر في هجاره
لاهنت يابوسعد
تحياتي يالقرم

[عبدالعزيز البقمي]

الاخوان ماقصروا

والله يجزاهم خير

وهذا امر طبيعي الفحل هاايج والناقه بركت له على طول كل الفحول بتضرب اذا نفس الحاله

وقيده واهجره في نفس الوقت

والله يرزقك منه الانتاج الفاخر

..

[مشبب بن حماد القحطاني]

الاخوان ماقصروا

والله يجزاهم خير

وهذا امر طبيعي الفحل هاايج والناقه بركت له على طول كل الفحول بتضرب اذا نفس الحاله

وقيده واهجره في نفس الوقت

والله يرزقك منه الانتاج الفاخر

..
لاهنت ياخوي عبدالعزيز عالرد
وتسلم يالقرم