عاجل يا هل الخبره والمعرفه

[يزيد ذياب المطيري]

السلام عليكم ورحمة الله وبركاته


يالربع عندي ناقه لقحه انتاجها بعد شهر وهي بكر

من حوالي عشر ايام جا فيها نفخ اوتورم حول السر مع يمينه ويساره والورم قاسي ..

يالربع وشهو منه تكفون وهل يثر على ولادها

وش الدبره اتطبب فيها ولا اكويها

تكفون اسعفونا ياهل الخبره الله يجزاكم خير


علفها تبن اله يكرمكم ناقع على مدار الساعه

مع شعير وبرسيم في المساء بكميه قليله

[فايز المغيري]

اذا كانت الناقه عليها جنايب يمكن شادن على حوالب الناقه ومورمه

[مبارك العبدلي]

النفخ هذا عادي يجي الاباكير القحات في الشهور الاخيرة

وبعد الولادة يختفي لا تطبب في الناقه ولا تلمسها

[محمد الوهبي التميمي]

سوائل وتعد طبيعيه
عليك بالمسراح الطيب وقلل الماء في هالفتره
بس المشي امر مهم لها لتسهيل الولاد

[حاتم العماري]

يجي ويروح باذن الله وانا شفته في بعض البل العام الماضي
خلها تمشي ولا فيها خلاف باذن الله

[ياسر أسعد]

الامر طبيعي وان شاء الله لا باس بيختفي بعد الولادة

[مشبب بن حماد القحطاني]

ماقصروا الإخوان خلها تسرح وماعليها
وخذها قاعده تجنب الكي لأي سبب في اللقحه
والبرسيم ماهوب طيب للقحات كثرته ممكن تسبب إصعاد
تحياتي يايزيد

[يزيد ذياب المطيري]

فايز المغيري
مبارك العبدلي
محمد الوهبي
حاتم العمار

ياسر اسعد

مشبب شباب

ماقصر تو الله يجزاكم ويبارك فيكم ويطول عماركم
وهذا عشمنا فيكم وتوصياتكم توخذ بالاعتبار