عدم لقاح الناقه ويش السبب

[منصوراليامي]

السلام عليكم يالربع اناعندي ناقه اضربتها حوالي اربع مرات ولالقحت وجبت
واحد من هل الابل ونظفها واضربتها عند نفس البعيرواليوم لها12يوم مابين
لقاحها مدري ويش الحل مع العلم انها عندي خلفه شاريها وهي خلفه بكر

[صدام اليامي]

عليكم السلام ورحمة الله
الناقة بعد مرتين من الضراب من الأفضل بأن يتم علاجها لأن كثر الضراب يؤثر على لقاح الناقة
على كل حال بعض البل ماتنظف رحمها من نفسها بعد الفحول فيصبح عندها التهابات ويصعب لقاحها
ولكني أنصحك بالآتي :-
1- حاول تنظف مجرى الرحم بملح عربي وتحاميل تيرمايسين .
2- تعطيها ابرة ترمايسن فايزر 25 ملم.
3- أول ماتيسر الناقة سواء من نفسها أو بعد ابره يسره حاول انك تضرب الناقة بالفحل وهي جائعة يعني تقطعها من وجبه
واحدة فقط لكي لا يضغط الكرش على الرحم ويقفله ولا يلحق البعير.
وأخيراً عسى الله يمنحكم منها

[طلال الروقي]

وعليكم السلام ورحمة الله
يامنصور أكيد انك تضرب الناقة وهي مافيها جسره ..!

[مشعل الشويش]

دام الناقـه عشرا .. فهي سليمه بإذن اللـه ..

لكن مثل ماقال ابو بندر ماهي بميسّـر .. حالها هويييين أو انك فاكها هجل ..

عندي عشرا اضربتها مره ومرتين والثالثه عشّرت لن حالها ضعيف ..

..

اما كان المسأله ماهي ضعف حال

فـ كلام اخوي صدام
عين العقل ولا ازيد على كلامه .

[مشعل الشويش]

بعد اذنك يُنقل الموضوع للعيـاده .

[صالح العوفي]

ياخوي لاتضرب الناقه حتى تطلب الفحل
لان الضراب على غير يسره يؤخر اللقاح
خلي الناقه بجانب الفحل تيسر ويضربها واذا تعسر عليك ذلك اذهب الى البيطري عنده ابره يسره ومنظفه للرحم في نفس الوقت

وفقك الله

[مشبب بن حماد القحطاني]

ماقصروا الإخوان والناقه مابها يسره ..إذا عندك فحل إربطه وسط البل وبتيسر إنشاء الله وإكرمها بالبرسيم

[محمد الوهبي التميمي]

اذا ولدها معها وهي تسمى عشراء امنع ولدها منها
اضربها واحسب لها ١٥ يوم
واذا مابين عشار خل البعير يضربها مره اخرى واحسب المده
اذا ماعشرت شف بعير ثاني غير اللي عندك
والله يرزقك منها