رايكم بالفحل

[خالد صالح الرشيدي]

السلام عليكم ورحمه الله وبركاته
ابي رايكم بفحل ابلي شيوبان
السن:رباع

http://im13.gulfup.com/2011-12-31/1325313992451.jpg (http://www.gulfup.com/show/X6vhfgpxi43pg)

[محمد المقباس]

ياخالد ولا نيب اخبر من اعضاء المنتدى
لكن لا تصور الفحل وهو توة مضرب او هايج
صورة ف وضعة الطبيعي والاخوان اللي لهم خبرة بيفيدونك
لك ودي

[مشعل الشويش]

بالعكس البعير مايزين ألا لاهاج .

والبعير ذا لاترغب منه شي ولا تكره منه شي كل مامنه عـادي ..

من راسـه لا عرقوبـه ...

وبما انه ربااااع فلا تحكم على شكله

[مشبب بن حماد القحطاني]

وعليكم السلام ورحمة الله وبركاته
أخوي خالد أتفق مع أخوي مشعل بكل كلامه....وسؤالي هل للفحل إنتاج .....إذا له إنتاج ماعاد يحكم عليه إلا بإنتاجه مثل ماذكر أخوي مشعل
تحياتي وعسى الله يرزقك إلين ترضى

[محمد ابو عدوة]

مرحبا يابو صالح هذا الفحل مايقناه الا واحد خابر امه وابوه وساسه اما كانه من السوق اشوف انه عادي وكل مامنه سخيف والراس صغير وخاصة انه رباع .

[زايد المنصوري]

كل ما فيه عادي

ما يصلح فحل

الله يرزق بأغلى منه

[محمدبن رشيد الحنتوشي]

اتفق مع الاخوان
ولكن فيه ميزتين الطنابه والتسناد
والله يمنحك منه

[بدر الدغيلب]

قعود عادي جدا لكن في مواري طيب

انت انتضر وشف انتاجه

[حمد الجفالي]

الله يرزك منه والفحل هالايام حسب الانتاج

[طلال الروقي]

اذا كان ما أنتج عندك فدور غيره ..
والله ييسر أمرك في الدنيا والآخره

[نايف السحيمي]

الفحل طال عمرك يحكمه ثلاث امور
اول شي ام الفحل
ثاني شي انتاجه
ثالث شي ابوه
لا يهمك شكل البعير نهائي السر يلحق
تقبل راي ومروري