وش الحل مع الحيران جاها القرع [الأرشيف]

مشاهدة النسخة كاملة : وش الحل مع الحيران جاها القرع

عبدالعزيز الفضلي

31 / 12 / 2011, 51 : 09 AM

السلام عليكم ورحمة الله وبركاته

كما في الموضوع الحيران عمارها شهر واقل

وجاها القرع وش الحل وش افضل علاج مجرب

والاشياء الحترازيه حتى لا تصاب الحيران بالقرع

واسباب ومسببات القرع فزعتكم يا النشاما

حتى يستفيد اخواننا اهل الحلال

اتصلت على الدكتور وشكيت له المشكله
وقال اديها ابره اوفيمك علاج الدود تحت الجلد
وعمارها عشرين يوم

مشورتكم يا النشاما

بخيت جلوي

31 / 12 / 2011, 11 : 10 AM

الما البارد انا مجرب

راشد الكدادي

31 / 12 / 2011, 25 : 10 AM

عليك بالزيت المحروق والجاره والملح ..وإن شاء الله ترى مايسرك..

مشبب بن حماد القحطاني

31 / 12 / 2011, 37 : 10 AM

ماقصروا الإخوان واللي أعرفه إن القرع عباره عن مرض فطري يصيب الجلد وهو معدي وينتقل عن طريق اللمس والإحتاك ولذا ممكن يعدي بقيه الذود أوحتي الإنسان
وبالنسبه لي أعلاجه عن طريق حك المنطقه المصابه إلين تنظف بماده صلبه كجحر مثلا بعد ماأرش عالمنطقه وعلى الحجر سائل الأيودين وبعد ذلك أحط على المكان المصاب بعد حكه بالحجر والأيودين زيت عافيه أو أي زيت طعام مخلوط معه شوي جره والحمد لله يشفى تماما.. هذي تجربتي وإنشاء الله أكون أفدتك..وننتظر تجارب بقية الأعضاء لتعم الفائدة

محمد ابو عدوة

31 / 12 / 2011, 51 : 10 AM

مرحبا اخوي عبدالعزيز علاج القرع الفعال فازلين تغطي مكان القرع بدون حك او فرك الهدف منه عزله من الهواء مجرب وفعال .

اما الجرب قليل يجي الحيران والدواء الفعال له ابرة الجرب على حسب عمره يقدرها لك البيطري وانا لا افضل الجره والزيت للحوار يمكن امه تنفره او يزيد كمية الجره وتذبح الحوار ولا تنسى تعطي امه الابرة احتراز انه نقل لها المرض .

عبدالرحمن بن هادي

31 / 12 / 2011, 34 : 04 PM

ذياب الشمري

31 / 12 / 2011, 30 : 07 PM

بيض الله وجهك يامحمد وفرت علي الكتابه كلام صحيح 100% فازلين يوميا لمده 4 أو 5 أيام وبدن حك وبدون خرابيط

مع كلام الأخوان الفازلين طيب مع الأستمراية لمدة أسبوع وتنتهي المشكلة بأذن الله

فهد العريدي

01 / 01 / 2012, 29 : 09 AM

صباح الخير للجميع افضل علاج وانا مجربه لسنوات طويله هو الشحم الي يبيعونه في قطع غيار السيارات حطه على القرع مره وحده وعاود عليه اذا حسيت انه بدا يبرء مع الحك الخفيف للجلد الميت وشكرا.................

صالح العوفي

01 / 01 / 2012, 54 : 10 AM

عليك بالماء البارد في الصباح والمساء وعدم لمس المكان لانه يزيده
وابعد عنك المواد السامه مثل الجره التايد الزيت وغيره من المواد الضاره
انا جربت كل هذه الاشكال ما نفع معي الا الماء البارد
وفقك الله

مسعود العماري

01 / 01 / 2012, 02 : 11 AM

احذر من الزيت مع الجرة

قاتلة للبل الكبار فما بالك للحيران

عليك بحك القرع ثم استخدام الزيت المحروق او اي زيت

وهذا مجرب وفعال

محمد الوهبي التميمي

02 / 01 / 2012, 05 : 11 AM

كلام الاخ محمد ابو عدوة هو الصحيح

والفازلين فعال ١٠٠٪

صالح العاطفي

02 / 01 / 2012, 28 : 11 AM

فيه طرق مختلفه وكلها جيده
1/الفازلين
2/زيت محروق سيارات مع جره مع شحم سيارات مع ملح يخلط جميع
3/الكورلكس
مع ابرة قرع الاصليه
والافضل للحيران الفازلين

طلال الروقي

02 / 01 / 2012, 13 : 12 PM

عليك بالفازلين طال عمرك ..

متعب بن سالم

03 / 01 / 2012, 37 : 02 AM

فازلين فقط والمشكلة تصبح تجربة ناجحة
باذن الله

تركي المقاطي العتيبي

06 / 01 / 2012, 17 : 01 AM

عليك بالماء البارد مع صابون فيري وشوي جاره كل يوم مع الصباح الباكر ولا تنساء الماطور لمدة اسبوع

اسأل المجرب

محمد بن علي الكناني الزهراني

07 / 01 / 2012, 44 : 11 AM

مع أبو عدوة 100 % كلام سليم ومجرب وحدة بوحدة

خالد الفالح

09 / 01 / 2012, 40 : 08 PM

عطاك اياها ابو عدوه

فازلين وبس % 100

عبدالعزيز الفضلي

10 / 01 / 2012, 00 : 01 PM

بسم الله

شريت خمس علب فازلين على عشرين ريال

الي اول ناخذ الوحده بـ 13 ريال

وبدينا معهن من قبل امس

نحك المنطقة الي بها قرع حتى يطيح مثل الجص الابيض
ثم نلوطه بفازلين

وان شاء الله نخبركم بالنتيجه لاحقنا

راشد محمد المري

13 / 01 / 2012, 55 : 12 AM

عليك بشحم ذيول الخرفان يطبخ مع ملح وخله يوم لين يبرد وحطه علي القرع مرة وحد وبدون حك

عبدالله حمد العتيبي

13 / 01 / 2012, 30 : 12 PM

حكه لين يدمي ,, وحط عليه زيت وملح ..