ماسر سواد ولمعان شعرة المجاهيم

[غليص المري]

السلام عليكم ورحمة الله وبركاته

كثير مانشاهد الابل المجاهيم في المزاينات ألوانها سود غرابيه وشعرتها لماعه!! فما السر هذه اللون في جميع المنقيات ، انا متأكد ان الواحد ماشرى الناقه ولونها وشعرتها كذا ، فيه شي يعطونها اياها وتزين شعرتها وتلمع وتحذف وبرتها..

لاني يااخوان شريت مجاهيم غرابيات وشعرتها لماعه وبعد ماخذت عندي شهرين تغير لون شعرتها ولا عاد به يلمع مثل ماشريتها..

فما السر في التغذيه؟؟
علمآ اني اعلف الابل برسيم ورودس وذره فقط

[محمد ابو عدوة]

مرحبا يا غليص والسر خطير تحط الناقه تحت مظله ويجللونها وفي الليل ينزلون جلالها ولا تعلم احد :mwalat41: .

[سفر المري]

البرسيم له دور وكذلك الجلال كما ذكر الاخ محمد

ولاتنسى الشامبو بعد

ولا حد يدري

[غليص المري]

هههههههههههههههههههه بيض الله وجيهكم على المشاركه والافاده بس يااخوان غير الجلال فيه شي يخص التغذيه ..‏ ننتظر افاده باقي الاخوان

[فهد العضياني]

الله يخلي لهم الفيري

ونا بعطيك تجربتي في تزيين الابل

ابلي ماهي كثيره ورحت قبل كم يوم اشتريت ماطور ماء مستعمل ب 300 ريال واشتريت خزان ماء 2 طن ب 400 ريال مع الليات والتوصيلات ماكلفتني الشغله 950 ريال
واليوم في عز الظهر طبعا عندنا بالغربيه الجو معتدل وفي الظهر الشمس حاره
عبيت الخزان وصبيت فيه علبة جره وحجرت البل في شبك صغير ورشيت لين غرقت
والنتيجه مذهله
بصراحه البل تغيرت ماشاءالله تبارك الله ماودي الد النظر عنها
لونها صار اسود غرابي ولكن اللمعه يبغا لها فيري وانشالله الشهر الجاي بحط جره ثم بعدها فيري

وسلامتك

[غليص المري]

بيض الله وجهك يافهد العضياني على المرور والمشاركه ‏..‏ بس الله لايهينك وش تقصد بالفيري غسيل الصحون؟؟

[طلال الروقي]

الله يخلي لهم الفيري

كلام سليم ..

[غليص المري]

الجره كم مره اغسل الابل بها بالاسبوع؟

[غليص المري]

اشوفكم ماسكينها على الفيري هههههههههههههههههه طيب وش فائدته غير اللمعه؟ هل هو يمنع رجوع القراد والقرع ‏

[حزام العاطفي]

الفيري ماله اي فايده بالنسبه للقرع والقراد ومفعوله مؤقت
اي قبل عرض البل سواء كان( بيع او مزاين او تصوير)
بوقت قصير اما بالنسبة للجرة فانا اشوف انها ماتستخدم
بكثرة لخطورتها يعني تستخدمها في غسل البل كل ثلاث شهور وبكمية محدودة الا اذا كان البل فيها جرب
اخيرا سر سواد شعرة المجاهيم مثل ماقالوا لك الاخوان بالاضافة الى طريقة اخرى يستحسن عدم ذكرها
وفقك الله ياغليص

[فهد العضياني]

الجره ياغليص انا مقرر اغسل البل مره في الشهر واعتقد انها كافيه لنظافة الابل

اما الفيري فهو حق غسيل الصحون يقولون انه يعطي لمعه لشعرة الناقه ونا مابعد جربته

[تركي بن عبد الله]

في ماده كبريتيه تباع في البيطرية تجي بودره وتجي على شكل الحصى تخلطها مع المويه زينه لشعرة الناقه وحالها.

[غليص المري]

بيض الله وجيهكم ماقصرتو ،،‏ انا اشوف ان الجره مالها دخل في اللون ‏،،‏ احد يفيدنا بطريقه اخرى لسواد شعرة المجهم؟؟

[فهد العضياني]

والله ياغليص انا متابع موضوعك قلت يمكن فيه سر مانعرفه يسبب اللمعه

لأن لمعة المجهم في عرض الفردي موطبيعي تلمع على الشمس كأنها قزازه

على فكره انا سمعت ان الاماراتيين عندهم مراحيض خاصه لغسيل الابل

يعني الدعوى فيها غسيل

[غليص المري]

اي بالله صدقت يالعضياني الدعوى فيها غسيل ‏،‏ اليوم افادني واحد من الربع مجرب يقول فيه شامبو في الصيدليات البيطريه تغسل الابل به ولكن مايعرف اسمه لانه شايب

[أحمد التميمي]

مرحبا

بالنسبه لتجربتي بالمجاهيم وسواد الوبره ولمعتها يبي تعب كثير الي هو..

1- تغسل الناقه كل شهر بشامبو ((العبايات)) الاحمر الاصلي وتفرك بالفرشه

2-الجلال على متنها دايم ويفك كل يومين لتهويه وبرتها

3-تغر الناقه كل شهر زيت السمسم مقدار الغرشه نص لتر

4-فيتامينات الوبر مع الماء تحصلها عند البيطري

[محمد سالم اليامي]

علمكم ياهل المجاهيم عند هل الخيل لا تعدونهم وهم الي يدلونكم

[عالي العماري القرني]

تقبلوا وجهة نظري

عمر الناقة الحسكا الحرشا ما يجي فيها لمعة

إذا هي وبرتها سايبة و ناعمة فنعم و يرجع ذلك إلى الجلال و صحة الناقة و نظارتها

و إللي قالوا شامبوهات و فيري و ما أدري يمكن بعدها واحد يقول نصبغها بقار :mwalat19: فأقول لو خليتم قروشكم و عبيتم بها بنزين كان أحسن والا علفتم بها المزايين :mwalat29:

[ممدوح احمد الشريف]

بحكم خبرتي في الخيل ... بعطيكم سر الخيل .. ولا ادري عن الابل

بالنسبه للخيل فبذور الكتان هي السر اللي يجهله الكثير

يجعل الشعره تصقل صقل


بالنسبه للابل فالتحليق والغسيل له دور كبير

وانشدوا هل احد استخدم بذور الكتان مع الابل