المساعد الشخصي الرقمي

مشاهدة النسخة كاملة : %% يا اهل المعروف والعرف افزعولي %%

سعيد المشرف
29 / 12 / 2011, 04 : 01 AM
السلام وعليكم ورحمته وبركااااااته




مساكم اللله بالخير

يالربع عندي ناقة معشر لها اسبوعين جاها مرض مفاجئ اليوم الناقه تنزل راسها للارض وهي مكظم ويزبد فمها وتفشخ وتدمن و اليا بركت مدت راسها على الارض

فتشت فمها ما لقيت شي .. عطيتها قطعة خبز اكلتها غيرها ما ذاقت شي

شاكر لكم ومقدر لكم
محمد ابو عدوة
29 / 12 / 2011, 51 : 06 AM
مرحبا ياسعيد واللي ذكرته يدل على انها غاصه يمكن في شئ ناشب في حلقها .والنحازمستبعد لان راعيته ماتزبد .
محمد الوهبي التميمي
29 / 12 / 2011, 45 : 07 AM
كيف حالك ياسعيد

ابيك تتاكد عن هل تسمع لها حشرده او كحه
الأعراض ثابته انه نحاز
اذا ثبت انه نحاز يوجد علاج مخفف للمعاشير ولايضر العشار
انتظر توضيحك عن الحاله ياسعيد
سعيد المشرف
29 / 12 / 2011, 57 : 10 AM
مرحبا ياسعيد واللي ذكرته يدل على انها غاصه يمكن في شئ ناشب في حلقها .والنحازمستبعد لان راعيته ماتزبد .

الله يبقيك يا محمد الناقه اكلت شوي برسيم والناقه ترتجف ترعد قوايمها ويوم رغت لاحظت السانها تقول ملتوي ما هو طبيعي
سعيد المشرف
29 / 12 / 2011, 04 : 11 AM
كيف حالك ياسعيد

ابيك تتاكد عن هل تسمع لها حشرده او كحه
الأعراض ثابته انه نحاز
اذا ثبت انه نحاز يوجد علاج مخفف للمعاشير ولايضر العشار
انتظر توضيحك عن الحاله ياسعيد

بخيررر جعلك بخيررر

ابد ما سمعت شي ولا تكح الناقه اكلت شوي برسيم والناقه ترتجف ترعد قوايمها ويوم رغت لاحظت السانها تقول ملتوي ما هو طبيعي
محمد ابو عدوة
29 / 12 / 2011, 16 : 11 AM
هذا مرض الطير وافزع لها بالابرة B1 لان الوقت مهم يمكن يذبحها التاخير .
سعيد المشرف
29 / 12 / 2011, 35 : 11 AM
هذا مرض الطير وافزع لها بالابرة B1 لان الوقت مهم يمكن يذبحها التاخير .

اخاف استعجل عليها ودي اتأكد انه طير الناقه تمد راسها للارض و ذيلها رافعته
ابراهيم الحربى
29 / 12 / 2011, 46 : 12 PM
السلام عليكم
اخوي سعيد
من دلأل مرض الطير ان الناقة ترجف تهتز راسها اقرب تشبيه له ( تشبها بالي طالع من مسبح وبرد شوف له رعشة خفيفة )
اذ ناقتك مثل هالحال لا تتأخر علها خذلها ابرة الطير واعطيها 50 مم كل 25 في فخذ لمدة 3 ايام مع 30 مم ترموسين ليوم واحد فقط

والله يشافيها
سعيد المشرف
29 / 12 / 2011, 33 : 01 PM
السلام عليكم
اخوي سعيد
من دلأل مرض الطير ان الناقة ترجف تهتز راسها اقرب تشبيه له ( تشبها بالي طالع من مسبح وبرد شوف له رعشة خفيفة )
اذ ناقتك مثل هالحال لا تتأخر علها خذلها ابرة الطير واعطيها 50 مم كل 25 في فخذ لمدة 3 ايام مع 30 مم ترموسين ليوم واحد فقط

والله يشافيها




وعليكم السلام ورحمة الله وبركاته

هلا وغلا يا ابراهيم

راسها مايهتز بس فخوذها رعده بسيطه
بندرنافع
29 / 12 / 2011, 19 : 06 PM
ياسعيد
ان كان متغير عليها الطعام وبالذات الذره الخضراء فلا يكون انه متسمم
لأن هذا الشيء من أعراض التسمم
وأن كان كذلك فعلاجه بامر الله التروبسين عن طريق
الوريد 5سم
والله هو العالم وأسأله بان يشفيها
خالد الحجي
29 / 12 / 2011, 15 : 07 PM
عطها ببسي مع نسكافه الناقه اذا ماهو بطير الناقه منغثه واتوقع انها ماكله شيء ماهو بزين واتوقع برسيم !!!!
عبداللطيف السعيدي
29 / 12 / 2011, 49 : 08 PM
ناقتك والعالم الله انها مغتثه ..
او ماكلة شي ولعب فيها .. غرها بعلبة ببسي الكبيره كعلاج أولي لين تبين الامور ..
سعيد المشرف
31 / 12 / 2011, 34 : 03 AM
الاخوان

بدر نافع + خالد الحجي + عبداللطيف السعيدي

اشكركم جزيل الشكر وبيض الله وجيهكم


وابشركم الناااقه طيبه مررره ... عالجها اللي خلقها والله ما عطينها اي شي ولا ذاقته الا العلف والماء

ولا ندري وش بلاها ... لكن الحمدلله على سلامتها

حبيت ابلغكم انتم وجميع الاخوان والله يوفقنا وياكم ولا يخسر كل مسلم
ذياب الشمري
31 / 12 / 2011, 39 : 07 PM
الله يشفي حلال المسلمين
يمكن أن الناقه منغثه من الأكل بزود أو برسيم فيه عفونه أي شي من هالقبيل ..
لتبادل الخبرات :
العام الماضي عندي خلفه كلت ذره جايها ماء عقب المطر وأنغثت وصارت ما تأكل وبس تبرك ...
عطيناها بيبسي قارورة كبيرة ولانفع..
عطيناها زيت سمسم قارورة كامله ولانفع ..
كلمت شايب راعي بخص وقال الناقة متسممه ..
عطها ليمون ...
أعصر لك كيلوين ليمون وحط عليها ماء 3لتر وعط الناقة ..
وفعلا هذا اللي حصل والناقة تعافة وأمورها طيبه ..
للتسمم الليمون ...