تسجيل الدخول

مشاهدة النسخة كاملة : مشيمة الناقه ما طاحت (اكرمكم الله) وش الحل ياجماعة الخير

فهد العضياني
27 / 12 / 2011, 57 : 07 PM
السلام عليكم ورحمة الله وبركاته


ياجماعة عندي ناقة ولدت امس الفجر والمشيمه (اكرمكم الله) ما طاحت للحين

اليوم الصبح ربطت فيها قارورة ماء الصغيره اللي بنص ريال ولا طاحت

اليوم العصر رحت للبيطري وعطاني بروتين قال عطها 7 سم بالعضل وراقبها لمدة 3 ساعات عشان الرحم مايطلع لاقدر الله

ومن العصر للحين ماصار شي ونا خايف انها اذا طولت تعفن في رحمها

عطونا الحل ياأهل التجربة بأفضل حل الله يجزاكم خير
فايز المغيري
27 / 12 / 2011, 41 : 08 PM
اصبر انشاء الله بطيح ولا تسوي لها شي الابل هذي كلها بعضها ياخذ 3 ايام ماتطيح
فهد العضياني
27 / 12 / 2011, 16 : 09 PM
يالبيه ياعفيف واهل عفيف ههه

حياك الله يافايز والله يجزاك خير
سالم البقمي
27 / 12 / 2011, 37 : 09 PM
إذا ماطاح بكره عطها (ويكه) باميه مطحونه حط عليها ماء دافي وحركها لين تصير رايبه ومتماسكه وشربها الناقه ويطيح سلاهاوينظف رحمها
إن شاء الله وتراها مجربه ولا منها ضرر
ناصرمنصورالروقي
27 / 12 / 2011, 21 : 10 PM
لاتعجل علاها تتطيح
ون ماطاحت لقمها تمره ورماده مع بعض
مجرب
طلال الروقي
27 / 12 / 2011, 03 : 11 PM
عليك بالثفى طال عمرك ..
عط الناقة ثفى في تمره
فهد العضياني
27 / 12 / 2011, 10 : 11 PM
سالم البقمي
ناصر الروقي
طلال الروقي

بيض الله وجيهكم وشاكر مروركم الكريم

ياطلال وش الثفى اول مره اسمع به
محمد المسعد
27 / 12 / 2011, 16 : 11 PM
زي ماقالوا عطها الثفه (حب الرشاد) بأذن الله ينظف الرحم مجرب
مشبب بن حماد القحطاني
27 / 12 / 2011, 20 : 11 PM
الاخون ماقصروا واتفق مع أخوي طلال
طلال الروقي
27 / 12 / 2011, 27 : 11 PM
أبك عضياني ولا تعرف الثفى ..؟ :mwalat10:

أسمه الرشااااااااااد طال عمرك
تلقاه عند العطااااااااار
فهد العضياني
27 / 12 / 2011, 39 : 11 PM
الرشاد معروف ياطلال

سألت الوالده قالت هذا يسقط حمل الحريم وش تبغى فيه هههههه
فهد العضياني
27 / 12 / 2011, 41 : 11 PM
محمد المسعد
مشبب بن شباب

جزاكم الله خير على الرد و التوضيح

وشاكر مروركم الكريم
عبدالعزيز البريدي
28 / 12 / 2011, 24 : 12 AM
http://www.mzayan.com/vb/showthread.php?t=34061

بعد مرور 24 ساعه على الولادة اعطيتها ابره السلا واتسللت الناقه لكن ما نفع معها

اليوم الثالث بعد 72 ساعه تقريبا ركبت الحوار على ظهر الموتر ومشيت الناقه مسافة 2كيلوتقريبا ومرتن اشد على الموتر والف يمين ويسار الين انخض بطنها

نزلت الحوار وخليتها بعد حوالي ساعه وبفضل الله وتوفيقه سلت الناقه .

وامس واليوم عطيتها تمر ورشاد والتمر وسلامتكم

ملاحظه البنسلين عطيتها اليوم الثاني والثالث 25 كل مره في اللحم .
فهد العضياني
28 / 12 / 2011, 45 : 12 AM
جزاك الله خير ياعبدالعزيز

وبكره اذا ماطاح من حاله بعطيها رشاد مع تمر ثم بحط الحوار في ظهر الوانيت واجرب طريقتك

وانشالله تنجح التجربه
سالم أل حيدر
28 / 12 / 2011, 44 : 07 PM
اخوي فهد المشيمة باقية في الناقة
انا قبل عامين صارلي نفس الموضوع لكن يومين بعدها جبت لها سوداني وطلعة كامل لان المشيمة (السلا) اذا بقي في الناقة اكثر 48 ساعة يبدا بالتقطيع داخل بطن الناقة مما يسبب لها بعض الامراض ومنها تساقط الشعر
فلاح البديوي
28 / 12 / 2011, 56 : 07 PM
كيف الحال طال عمرك ..............

اذا ماتسلت الناقه احلب من دادها وخله يبرد وشربها اياه ..........وان شاء الله تسلا
سعيد بن سالم
28 / 12 / 2011, 39 : 08 PM
أخوي الأخوان ماقصرو

بصراحه بقولك تجربتي صار عندي نفس الحاله الي عندك قمت ورشيت جنوب الناقه بالجاره
واكلها وقامت تمرغ حتى طاحت (الحويلا )

ياأخوان السلا مايقال للبل يقاله (حويلا) خصوصي عند أهل نجد لاأحد يزعل مني 000
فهد العضياني
28 / 12 / 2011, 45 : 09 PM
سلاها باقي ماطاح وبكره انشالله بعطيها رشاد وبطردها كيلو والا كيلوين وانشالله يطيح

والله يجزاك خير على الرد والتوضح

وشاكر مرورك الكريم
طلال الروقي
28 / 12 / 2011, 56 : 09 PM
الرشاد معروف ياطلال

سألت الوالده قالت هذا يسقط حمل الحريم وش تبغى فيه هههههه

الله يمد عمر والدتك ويمتعها بالصحة والعافية ويقر عينها بك
عز الله صدقت ..

بس أنتبه لا تعور الناقة وتفكك وروكها من الطرد
محمد الوهبي التميمي
29 / 12 / 2011, 37 : 12 AM
ينقل للقسم المخصص
علي ال مرعي
29 / 12 / 2011, 26 : 01 AM
لاتعجل علاها تتطيح
ون ماطاحت لقمها تمره ورماده مع بعض
مجرب


انا مجرب الرماده النظيفه تعطيها الناقه في لقمة عجين ويطيح السلا باذن الله اما طرد الناقه وهي شايل اكبر غلط

تحياتي.
صالح العوفي
29 / 12 / 2011, 36 : 11 AM
هلا اخوي
اذهب للبيطري عنده ابره خاصه بالتنظيف
دق الناقه وسوف يقع السلا باذن الله
انا مجربها
وفقك الله
بندرنافع
29 / 12 / 2011, 30 : 06 PM
الرشاد طيب للتنظيف
وأن مافاد حقنه بالعضل (بروبارتين)
بأذن الله تنزل
فهد العضياني
30 / 12 / 2011, 54 : 01 AM
كل اللي ردوا على موضوعي
الله يجزاكم خير على الافاده والتوضيح

اللي صار معي اليوم

خلطت الرشاد مع التمر
وبعدها مباشره خرج من حيا الناقه سائل ابيض (اعزكم الله) وهو قليل ماهو كثير
ثم ركبت حوارها في وانيت وخليتها تمشي تقريب الكيلو وما لاحظت اي شي على الناقه

اتصلت على بيطري سألني عن اكل الناقه قلت اكلها طيب قال اجل سلاها طايح
ونا متأكد انه ماطاح لأن الراعي متابع الوضع اول بأول
مشبب بن حماد القحطاني
30 / 12 / 2011, 22 : 10 AM
أخوي الغالي فهد ترا الناقه إذا ماهي مشبوكه ممكن تسلا ولاحد يلاحظ ذلك وهذا الإحتمال الأكبروأنا دايم أشبك الناقه إلين ماتسلى عشان هالمشكله لأأن أكثر الرعيان والله المستعان بتضيع البل بعد وهو ماجاب خبر وإذا مر عليها اليوم وماطاحت الحويلا من بكره شفلك خبير يدخل عالناقه ويتأكد يمكن مثل ماقلتلك تكون الحويلا قد طاحت والراعي ماجاب خبر
عسى الله ييسر لك جميع أمورك وتحياتي