الخلفه وعلاجها يااهل العرف

[بدر الأفنش]

السلام عليكم ورحمة الله وبركاته ..
قسم الاستشارات زوار ومشرفين و اعضاء
مساكم الله بالخير ••
عندي خلفه من ثلاث ايام وارم ( منتفخ ) ديدها ولا تخلي بكرتها ترضع
واذا جينا نحلب ترمح مع العلم ان شطورها من الورم تعسر مسكتها صغرن من الورم ..
الراي يالربع ..

[مشعل الشويش]

عطها بنسليـن / وامنع عنها البرسييييييم ..

رودس فقط ..

وخل الناقه تمشي ...

وماعليها ألا العافيـه ....

........

يُنقل لقسم العياده بعد اذنك .

[محمد الوهبي التميمي]

ارحب يابدر
كلام الاخ مشعل. بالحرف الواحد
وركز على المشي
امنعها من جميع الاعلاف ماعاد التبن في وجه العدو
امنعها من الماء بقدر المستطاع
أغسل ديدها بالماء البارد كل صباح

[فهد العضياني]

الاخوان ماقصروا عطوك الرأي الصحيح

وحاول تحلبها قدر المستطاع او على الاقل تقلل من حليبها

[طلال الروقي]

أتغف مع جميع الأخوه على أرائهم

[مشبب بن حماد القحطاني]

الروس والبرسيم كلها تسبب الوريم في الخلفات عندي
وصرت أعطي الخلفات ذرة أو تبن والحمد لله ماعاد عرفت الوريم
أهم شي مثل ماقالوا الاخوان المشي وتنظيف الديد والماء البارد يرش عالديد كل صبح
تحياتي

[وافي مليح بن موطان]

احلب الناقه ثم شملها وحط ثلج في الشماله ثم شدها مضبوط < قد ماتقدر من الثلج حط <

ثم حط ولدها في الصندوق وخلها تدرهم وراك نصف ساعه على الاقل

ماترجع لشبكها وفيها من وريمها شي باذن الله

[بدر الأفنش]

الله لا يهينكم يالربع ماقصرتوا
اخذنا لها بنسلين و مشت والامور
احسن باكر ان شاء الله شوط مشي اطول
والشكر لله ثم لكم ..