الفاطر ... الكلاكيت الاخير :(

[ممدوح احمد الشريف]

السلام عليكم ورحمة الله وبركاته

ادري اني اشغلتكم بهالفاطر :mwalat11: ....... لكن تحملوني اخوكم سنه اولى بداوه :mwalat7:

سبق وكتبت عن الفاطر التعبانه اللي عندي والاخوان بيض الله وجيههم ماقصروا شاروا علي باشوار طيبه اسأل الله ان يبارك لهم ويرزقهم

من معلومه اعطاني اياها الاخ فهد الاحمد يقول ان الناقه تستدخل رجولها ......

قلت اصورها واخلي اهل الخبره يحكمون .........
هل بركتها تدل على انها شوكه .. ووش الشور اعيد الكوي عليها والا الموضوع يبي له وقت فقط ؟

هذي صورتها :

[url=http://www.mobdi3ine.net/]http://www.mobdi3ine.net/up/13248173151.jpg[/



علما اني كويتها قبل اكثر من شهر وبعده تحسنت شوي ولكن لا تزال حالتها رديه
واعطيتها البودره وعلاج البطن والكلى ولكن لا فائده

الناقه طيبه وارجي الله انها تيسر ونضربها ذا الزمان .. لكن مع هالحال ما ضنتي تلقح

[محمد المنصوري]

اخ ممدوح اذا انت تقصد الجرح فهذا الوسم ماهو وسم الجرح والجرح بين من دمن الناقة تلقى الدمن به روس وصغير وملتم على

بعضة وسم الجرح حرف ال تي بالانجليزي

اسال الله ان يشفي الفاطر ويرزقك منها

[منصور العدواني]

مزبوط كيتك هذي كية الشويكه ورى الضلع القصير وتعتبر كيه للكلى


اما بخصوص بركة الناقه لاحظ ان الناقه راصه خفها على سرها

هذي البركه عندنا في الهجن الي تبركها نسميها مسطحه

بخصوص كي السطح ظروري جداا وهو انك تربع السر يعني اربع مطارق متقاطعة الاطارف تحيط بالسره
وتكويها كية فلق

احتمال الناقه مسطحه من التحميل في الدنه اذا كانت قد تحملت او هاجه وهي شبعانه وبطنها مليان

وقدامها العافية


اخوكـ

[محمد سالم اليامي]

مزبوط كيتك هذي كية الشويكه ورى الضلع القصير وتعتبر كيه للكلى



اما بخصوص بركة الناقه لاحظ ان الناقه راصه خفها على سرها

هذي البركه عندنا في الهجن الي تبركها نسميها مسطحه

بخصوص كي السطح ظروري جداا وهو انك تربع السر يعني اربع مطارق متقاطعة الاطارف تحيط بالسره
وتكويها كية فلق

احتمال الناقه مسطحه من التحميل في الدنه اذا كانت قد تحملت او هاجه وهي شبعانه وبطنها مليان

وقدامها العافية




اخوكـ


الناقه من التحميل والتنزيل منفتقه نفس ناقه عندي بالزبط والله عطاها العافيه بعد ما جاني شايب باخس وقال لي اكويها ثلاثه مطارق واح قبل السر واحد بعده و واحد من زور الناقه بركتها الى الى المطرق الي قبل السر بالعرض