هل الصيد يرجع

[احمد عمران]

اولاً / اخواني هل الناقه اللي قطعنا عنها الصيد ونفع ولقحت بعد سنتين
اذا انفرد ولدها ونبي يضربها البعير هل الصيد يرجع
ولا التقطيع مرة وحدة في الناقه

ثانيا / الكوي تحت حيا الناقه عن ايش قبل سنتين كوى سوداني ناقه عندي
ولا سالته عن المرض ولقحت الناقة لاكن بعد ماتعبت وقطعت
اخرها الكوي
الي يعرف الكوي عن ايش يخبرنا مشكور

[عادل الضويحي]

اما الجواب الاول هل الصيد يرجع نعم الصيد يرجع بس على حسب الناقه
انا عندي ناقه قطعت عنها وبعد ثلاث سنوات رجع وقطعت عنها قبل شهر
وعشرت

[بندر الرويلي]

مع الوافي بيرجع نظفها كل سنه

[محمد الوهبي التميمي]

مع الوافي بيرجع نظفها كل سنه

صحيح كلام الاخ بندر تقطيع الصيد يحتاج تكرار لنه يرجع وهذا من الاعلاف
بنسبه الرقمه اللي تحت حياء الناقه هي لعدم القاح والبعض يكويها وتنفع باذن الله وانا انصح بعدم الكوي الا لضروره وعمل بالأسباب الاولى تقطيع دخول

[احمد عمران]

بارك الله فيكم وشكرا على مروركم

[صالح العاطفي]

ماقصرو الربع
الصيد يرجع
الكي للقاح

[فيصل العازمي]

السلام عليكم بالنسبه للصيد فهو يرجع وبعض البل يرجع بعد شهرين او ثلاث اشهر ومثل ماقال اخوي بسبب العلف اما بالنسبه للكي تحت حيا الناقه فهذا بسبب نزيف بعض البل بعد الولاده بعض البل يكون فيها نزيف بعد الولاده مستمر فالكوي يوقف النزيف بإذن الله

[عبدالله النخيب]

الصيد يرجع كل سنة تقريبا اما بابنسبة للكي اذكر كوا لنا سخص اسمه ابو شافي الشمري حيا ناقة ولقحت بآذن الله

[مشبب بن حماد القحطاني]

ماقصروا الإخوان

[عبدالمحسن المقاطي]

الكي اول مره اسمع فيه

وياليت يفيدونا الاخوان عنه بالتفصيل عن تجربتها

عوارض الناقه الي تحتاج لكي او انه اي ناقه استحالت لمده طويله تكوى

موقع الكي ولو بالصوره يكون افضل علشان الدقه