لاهل الخبره والعرف

[عادل المزروع]

بسم الله الرحمن الرحيم

استفسار ياهل العرف عندي قعود له اسبوعين يثرق الله يكرمكم له يومين ماء مع دم بسيط وش حل المشكله هل ( البودره ) الي تخلط مع الماء , المحلول حق التهاب الامعاء زين له او وش الحل الي عنده خبره يفيدني

[صالح المحمدي]

شوف الموضوع انشاءالله تبي تستفيد من ردود الزملاء
http://www.mzayan.com/vb/showthread.php?t=32282

[محمد الوهبي التميمي]

هلابك اخوي عادل
عمر القعود بالضبط؟
هل سبق واستخدمة ادويه له؟
انتظر إجابتك

[عادل المزروع]

هلابك اخوي محمد
استخدمة المحلول الي يخلط مع الماء
عمره اسبوعين

[محمد الوهبي التميمي]

أكرر لأهل للحيران الجدد أستخدام العلاج التالي:
الصيدليه البشريه
مضاد حيوي يستخدم للأطفال واثبت قوته في الحيران الجدد
اسم المضاد
قمنتين رقم ٣١٢
كمية الجرعه
خمسه ملي بالفم لمدة اربع ايام

[سهيل بن سعيد]

علاجه طال عمرك خله يرضع على طول من امه لا تحرمه

وعلى فترتين صبح ومساء علبتين زبادي وقارورة مويه صحه بارده حيل لمدة ثلاث ايام وبتشوف خير

[عادل المزروع]

الله يعطيكم العافيه
بس الحين وش اجرب اعلاجك يامحمد او علاجك ياسهيل ؟
وعلى فكره ياسهيل حليب الناقه كثير الله يطرح البركه اخلي الحوار يشرب والا

[بندر الرويلي]

اللي خلاه يذرق كثر حليب امه شملها وخله يرضع شطر بس كان حليبها واجد ونظفها بعد كل عطفه واستخدم علاج محمد مدام يطلع معاه دم وأن شاء الله ما يشوف شر

[ابراهيم الحربى]

استخدم الاثنين مافيه بينها تعارض

قمنتين

ولبن الزبادي

كلها طيبة

[عادل المزروع]

الحين مغير ماء الي يطلع مامعه دم
ونحلب الناقه مع كل عطفه ومشملينها مايذوق الا المقاديم بس والله مادري وش السالفه

[محمد الوهبي التميمي]

الحين مغير ماء الي يطلع مامعه دم
ونحلب الناقه مع كل عطفه ومشملينها مايذوق الا المقاديم بس والله مادري وش السالفه

عادل المزروع
جرب الوصفه اللي قلت لك حوارك بحاجه للمضاد وهالمضاد مامنه ضرر يعد امن
والراي لك بالأخر

[عادل المزروع]

اللله يعطيك العافيه جربت الوصفه والحمد لله الحوار مافيه الا العافيه

الله لا يهينك ويبارك فيك وفي حلالك يأخ محمد
تسلم يادكتور موقع مزاين هذا القب تستاهله ياولد التميمي

[مشبب بن حماد القحطاني]

الله يشفي الحوار وطبق كلام الإخوان وبالتوفيق