تسجيل الدخول

مشاهدة النسخة كاملة : شوركم لا هنتوا

محمد مطير العنزي
19 / 12 / 2011, 28 : 12 PM
ولدت عندي ناقة من 10 ايام ولا اطعمها الا تبن ( بوجة العدو ) ونا ودي اكرمها بالطعام عشان اتمنحها وخايف يتغير الحليب علي الحوار من حيث الطعم وزيادة الحليب
السؤال هل استمر علي طعامها السابق للين يتقوي الحوار اكثر ولا اكرمها بالعلف وحلبها ، وللعلم الراعي مايعرف يحلب هذا اللي مخرب السالفة حتي مايعرف ينظفها بعد كل عطفة
محمد سالم اليامي
19 / 12 / 2011, 37 : 12 PM
نصيحتي بدري شوي على الناقه بيموت الحوار من الحليب
فهد العضياني
19 / 12 / 2011, 13 : 01 PM
الحل بسط شمل ثلاثه من ديوس الناقه وخل واحد للحوار

اهم شي تنظفهم من الحليب في الصبح وفي المساء

والعلف الافضل للخلفه هو البرسيم في الصباح ومكعب في المساء عشان حالها ما يضعف من الحلب
محمد الوهبي التميمي
19 / 12 / 2011, 49 : 02 PM
اصبر عقب الشهر اكرمها باللي تبي
وعطاب ديوس البل هم العمال الله يكافينا شرهم وإهمالهم
خالد بن عصاي
19 / 12 / 2011, 46 : 09 PM
شكرا على الطرح في السؤال وشكرا للاخوة على التفاعل
بندر الرويلي
19 / 12 / 2011, 24 : 10 PM
مدام راعيك مايعرف يحلب لا تعطيها برسيم بيكثر الحليب ويذرق بالحوار خلك على وضعك لما يصير لها 20 يوم وبعدين عطها برسيم ولا تكثر تدريجياً وعليك بالبرسيم العود وشمل الناقه الصبح وفكها هي ولدها والساعه 10 خله يرضع ونضفها وشملها ولا اعزل حوارها عنها على شان مايدررها ولا يذوق الحليب الا وقت الحلب وبعدين خله يقعد مع امه للصبح وعليك بالمشي خل الناقه تمشي على شان ما يخبش ديدها .
محمد مطير العنزي
20 / 12 / 2011, 32 : 07 AM
شكرا للاخوة اللي شاركوا بالردود والبـــــــــــلااااا العمال مافيهم خير وقرار البيئة يمنع سرحة الحلال وعليك غرامة اذا شافوا ناقة برا الشبك
طبعاً اتكلم عن دولة قطر