عطونآ رآيكم يآأهل البل

[مشاري المزيني]

سلام عليكم

يارجال ابي رايكم بعلف الخلفه

احد يقول حط برسيم وشعير واحد يقول نخاله واحد يقول مكعبات ووو ...

وش رآيكم ؟؟ ماهو أفضل علف للخلفات ؟؟ وكم المقدآر للخلفه الوآحده ؟؟

[محمد الوهبي التميمي]

برسيم فقط
ولاتعطيها البرسيم الابعد شهر من ولادها
الثلاث خلفات بالتين برسيم الشد الزين

[خالد الغزلي]

البرسيم يكثر الحليب على الحوار
لذلك عطها ذره فقط الى ان يتقوى الحوار

[مشبب بن حماد القحطاني]

أتفق مع الأخوين محمد وخالد
تحياتي

[فايز المغيري]

كثر لها البرسيم ولا يهمك ابشر بالحليب انشاء الله

والشعير لو ماتعطيها غير شويه بيكون احسن

لاهنت

[بندر الرويلي]

البرسيم زين ويكثر الحليب ويحليه لكن الله يعينك على التنظيف المستمر لديدها و انتبه لا يخبش ديسها وعليك بالربسيم العود

[عبدالعزيز البريدي]

ما انصحك بالمكعب مع البرسيم

لانه يزيد الحليب بكثره الا ان كان كل ما عطفت بتنظفها ما عليها خلاف

[فهد العضياني]

كان تبي الحليب والحال الزين عطها نص بلكة برسيم وعشاها مكعب

اما بخصوص الحوار حله بسيط شمل ديوس الناقه كلها الا واحد خله لولدها

ونظف ديسها من الحليب صبح ومساء

[مشاري المزيني]

الله يبيض وجيهكم جميعآ

تحياتي وتقديري لكل فرد منكم :)

[حاتم العماري]

ان كان هدفك الحليب عطها برسيم ومكعب او شعير بشرط الحلب المنتظم والاهتمام
ان كان الخلفات واجد وهدفك المحافظه على ديدها عليك بالرودس والشعير
تقبل تحياتي

[مشبب بن حماد القحطاني]

بلكة ونص برسيم بالصبح وخلها تسرح عشان مايجيها خباش والمساء شعير
بعد شهر من الولاده
ومن الولاده لمدة شهر عطها ذره أو تبن
تجربتي مع الرودس يجيب خباش بكثرة

[ناصر المنيعي]

بلكة ونص برسيم بالصبح وخلها تسرح عشان مايجيها خباش والمساء شعير

بعد شهر من الولاده
ومن الولاده لمدة شهر عطها ذره أو تبن

تجربتي مع الرودس يجيب خباش بكثرة

100%
مع ابو شباب في نصيحته