فزعتكم ياخوان من يعرف سوداني راعي دينا اسمه عوض ابوسالم بالفاضلي

[سليمان الخالدي]

فزعتكم ياخوان من يعرف سوداني راعي دينا عنده لي ناقه وضحا وغاليه
السلام عليكم ورحمة الله وبركاته اخواني فيه راعي دينا اسمه عوض الجامع او الجامح ( ابوسالم ) كان يشتغل مع عبدالرحمن سوداني ولهم شبك بالفاضلي ( موقع قريب من الجبيل وجو سمين) العلم طول الله عماركم اخذ الناقه وضحا غاليه وعليها اسوام غاليه وعليها الوسم مطرق ومشعاب بالرقبه من يمين واخذها علشان بيضربها عند امير هذا الكلام العام الماضي 1/1/2011 وعقبها كلمته بعد عيد الفطر اللي فات وقال باجيبها الين اخر شي قال باجيبها بعيد الضحيه اللي فات يعني قبل شهر وعقبه قفل جولاته واكلم اخوه وربعه وذكروه بالرفيعه ورحت للرفيعه ومالقيته وعقبه حتى اخوه قفل جواله وربعه كلن يقول معاد ادري عنه ويذكرونه بسوق الجنادريه والي يعرف له طريقه يالربع لايبخل علينا والا يعرف كفيله ياليت المساعده ياخوان وجزاكم الله الف خير........

[متعب الدوسري]

الله يعين .. وتأكد ان اللي بيعرفه في ذا المنتدى الطيب بيجيبون علمه ..

الله يعقلها ..

[شافي الشمري]

الله يعينك على هالسودانيه السراقين

عوض.. قبل العام حول الشرافي نقل غنمي بالدينا الله لايذكره بخير وعقبه بشهور سرق الغنم راعيي السوداني والظاهر انهم شركاء ولحد اليوم ما شفت الغنم حوالي 35راس نعيم

وتراهم كلهم كذابين يعرفون بعض ولكن مايعلمون احد..حموده اطلبه 5000آلاف قبل 3سنين وللحين ما شفنا شي وكلهم مقفلين جوالاتهم..

ولو يطلبوننا ريال يطلعونه لهم الشرطه ولو نطلبهم آلاف محد يمك السعودي ماخوذ حقه والأجنبي عايش بالسرق والغش والبغشيش.

سلم لي على الأمن والأمان اللي سرق غنمي رقمه شغال والشرطه مش راضين يحددون مكانه.

[عبدالرحمن بن هادي]

لابد من اثبات الحاله عند الجهات الامنيه وذكر رقم الوحه ومواصفات الرجال ليتم التعميم عنه

[راشد الكدادي]

معليش يا اخ سليمان..إسمحلي بأقسى عليك بالكلام شوي..اللي يثق في الآجانب يستهاهل مايحصل له..والسوداني أجنبي وفرصته في الفرص اللي يحصلها من بعض السعوديين اللي يثقون فيهم عرض وطول!!
يا أخي كيف من العام وهوعلى وجهه بناقتك ومخليه إلين هالوقت,؟
والله إني أجزم إنه مانواك بالرديه..إلا إنه عرف إنك معطيه كل الثقه وبكذا نوى على السرقه وأنا أجزم إن الناقه بيعت وقدها عند مالك جديد!!!
ولكن ناقتك إن حصلت عليها فهو من حظك..والقناي الجديد إذا هو شاري من السوداني ولا أثبت حقه بالضمانات..فشريته باطله..ولك الحق بإرجاعها إن حصلتها..
عموماً الله يعينك على هالزول الحرامي..ولاتدوره بالنشده..ترى ماراح تصيده إلا بالحيله..
تحيتي وتقديري..

[ساجربن عدوان]

سليمان حط رقم جوالك حتى لو لقاه أحد يكلمك فوراً

[سالم محمد الدوسري]

اذكر ان فيه سوداني كان يعرض له ناقه ورا محطة الفاضلي وناقة طييييييبه يقول عليها سوم 75 الف

وانت لو تعطيني مواصفات السياره والى رقم لوحتها او اي شي بانشد لك الربوع اللي في الرفيعه عسا الله يعقل عليك يالمسلم

[بندر الرويلي]

لا حول ولا قوه الا بالله الله يعلقها لكن لازم تثبت الحاله عند اقرب مركز شرطة لا تسكت

[سليمان الخالدي]

الله يعين .. وتأكد ان اللي بيعرفه في ذا المنتدى الطيب بيجيبون علمه ..

الله يعقلها ..


الله يجزاك خير

[سليمان الخالدي]

الله يعينك على هالسودانيه السراقين



عوض.. قبل العام حول الشرافي نقل غنمي بالدينا الله لايذكره بخير وعقبه بشهور سرق الغنم راعيي السوداني والظاهر انهم شركاء ولحد اليوم ما شفت الغنم حوالي 35راس نعيم




الله يعينا وياك وترا حموده يذكرونه بالفاضلي

الله يجزاك خير

[سليمان الخالدي]

لابد من اثبات الحاله عند الجهات الامنيه


المشكله لااعرف سيارته ولارقم اقامته

الله يجزاك خير

[سليمان الخالدي]

معليش يا اخ سليمان..إسمحلي بأقسى عليك بالكلام شوي..اللي يثق في الآجانب يستهاهل مايحصل له..والسوداني أجنبي وفرصته في الفرص اللي يحصلها من بعض السعوديين اللي يثقون فيهم عرض وطول!!

يا أخي كيف من العام وهوعلى وجهه بناقتك ومخليه إلين هالوقت,؟
والله إني أجزم إنه مانواك بالرديه..إلا إنه عرف إنك معطيه كل الثقه وبكذا نوى على السرقه وأنا أجزم إن الناقه بيعت وقدها عند مالك جديد!!!
ولكن ناقتك إن حصلت عليها فهو من حظك..والقناي الجديد إذا هو شاري من السوداني ولا أثبت حقه بالضمانات..فشريته باطله..ولك الحق بإرجاعها إن حصلتها..
عموماً الله يعينك على هالزول الحرامي..ولاتدوره بالنشده..ترى ماراح تصيده إلا بالحيله..

تحيتي وتقديري..


تمون ياشيخ راشد ولكن الدنيا لهالحين فيها خير سواء سوداني ولاسعودي لكن الثقه العميا مصيبه

الله يجزاك خير

[سليمان الخالدي]

سليمان حط رقم جوالك حتى لو لقاه أحد يكلمك فوراً
لاهنت ياساجر

والله يجزاك خير


ويالربع ذكروه بالرفيعه ورحت للرفيعه ولاشفت له اثر

وعقبه ذكروه بامرقيبه ورحت ولاشفتله اثر

وهالحين يذكرونه بالجنادريه والجنادريه طويله عريضه واللي حول الجنادريه ولا اللي يمرها ويجيب خبره يسوي خير وجزاه الله الف خير

[سليمان الخالدي]

اذكر ان فيه سوداني كان يعرض له ناقه ورا محطة الفاضلي وناقة طييييييبه يقول عليها سوم 75 الف

وانت لو تعطيني مواصفات السياره والى رقم لوحتها او اي شي بانشد لك الربوع اللي في الرفيعه عسا الله يعقل عليك يالمسلم


جعل والديك الجنه يابومح-مد عزالله كفو ولاهي غريبه عليك الفزعه والطيب
والناقه اللي تقول معروضه جيتها ماهي ناقتي هذي ناقة خويه عبدالرحمن السوداني بالفاضلي
وبالنسبه للرفيعه رحت لها ولامرقيبه مالقيتله اثر وهالحين يذكرونه بالجنادريه.......

والناقه انا ذكرت لكم مواصفاتها عليها الوسم (مطرق ومشعاب يعني 81 بالعربي ) بالرقبه من يمين

وجزاكم الله خير

[سليمان الخالدي]

لا حول ولا قوه الا بالله الله يعلقها لكن لازم تثبت الحاله عند اقرب مركز شرطة لا تسكت



ياشيخ بندر جزاك الله خير وبالنسبه للشرطه يكفي رد اخونا شافي الشمري

[محمد ابو عدوة]

دار الحول ودارت النيه وانت تدور صراحه هنيك بقلبك وانت متتتتتتتتاخر بالبلاغ بلاغ رسمي وتعطي شيخ السوق البلاغ عن الناقة شكلها ووسمها والله يعقلها وهذا احتمال ضعييييييف جدا بس الله كريم .

[طلال العتيبي]

الرجال كيف شكله يا سليمان
والله يعقل ناقتك

[محمدالعلوي]

الله يعقل عليك ناقتك لازم تعمل الاسباب لكي تأصل لهذا الحرامي ومن هذه الاسباب تجعل جايزه
لمن يدلك عليه تكون مغريه لإنهم يعلمون على بعضهم إذا حصلوا على مبلغ مالي مقنع وأنا أعرف
سوداني في سوق الفاضلي أسمه على وهذا رقم جواله 0508387715ولكن لاتتصل من جوالك
المعروف وعلى فكره كان مسافرللسودان وتوه وصل أعتقد أنه سوف يدلك عليه إذا دفعت له مبلغ
مغري أو يدلك على الناقه المهم أنك تضمن الوصول للناقه أوللحرامي والمثل قال رجل الديك تجيب الديك.والله يعقل عليك.

[خالد الحريص]

افضل طريقة انك تشتكي في أقرب مركز يكون فيه احد كان بعرفة وتقول هذا يعرفه وتدخله في السالفة وصدقني بيعترف عن ذا السوداني

[صالح العتيبي]

ياعزيزي اول خطوه رح لشرطه واثبت الحاله وكرعن معه خويه عبد الرحمن في القضيه وعلى قول الاخوان رجل الديك تجيب الديك

[مشاري الغربي]

لاحول ولا قوة الا بااللة

ياخوي انت ماانت غشيم اذا الحين لها سنة ولا شفتها اسمح لي اقول لك قلبك بااارد

يااخي مادام انك دورتة ولا لقيتة

فية طريقتين

1- انك تروح ومعك 2 او 3 من ربعك وتستدرج لك واحد من السودانية الي كانو معة في الفاضلي وتساوية مع الارض لين يكلمة بحيلة ويجيبة لك

2- انك تشوف لك واحد من اخوياك او ربعك شغال في الجوازات ويطب عليهم في الفاضلي ويمسك اخوياة الي كان عندهم طبعا اغلبهم من دون اقامات ويقول لهم تبون تجيبونه والا على الترحيل كلكم

اخيرا اسال اللة انه يجمعك بضالتك

[محمد ابن حبيب]

لاحول ولاقوة الا با الله والله شي يحير والله يا اخي سليمان مدري ويش اقول والله حنا معك قلبا وقالبا والله يكون بعونك.

[محمد سالم اليامي]

الله يعينك على المصيبه ذي لكن مر السودانيه الي على قلمت العمى وخذ من فوقهم لا تعطيهم علمك وان شاء الله تحصل علمه

[محمد الوهبي التميمي]

الله يعقلها

[سهيل بن سعيد]

بعد تحري وسؤال عن المذكور جاني علمه انه :
في سوق الجنادريه ولديه سيارة نيسان دبل موديله غير معروف
عليك وعلى سوق الجنادريه وأن بغيتني معك ابشر
جوالي ارسلته لك خاص

[زياد الحربي]

لاحول ولاقوه الابالله ياخي الى متى وانتم تثقون بالسودانيين ... ممكن سوال ليش ماخذت رقم لوحت السوداني ..لاعاد تثق في اي احد الزمن هذا زمن يخووووووووووووف ... الله يردها لك

[نايف الشاهين]

حنا مازلنا على علومنا الاوله من ناحية السودانية حاطينهم رجال واهل امانه
ياجماعة السودانية الان اكبر حرامية يدخلون معنا في حلالنا ويعرفون عنه كل شي
وتراهم متضامنين مع بعض

[سعيد المشرف]

حنا مازلنا على علومنا الاوله من ناحية السودانية حاطينهم رجال واهل امانه
ياجماعة السودانية الان اكبر حرامية يدخلون معنا في حلالنا ويعرفون عنه كل شي
وتراهم متضامنين مع بعض

انت من تعلم يا نايف حنا يالسعوديين مانصدق الا الاجنبي

والله ثم والله ثم والله لاولا السعوديين اني لبشر الاخ الخالدي بسوداني الحرامي عوض


ان شاء الله ان الله سلط عليه ارجو من الاخ صاحب الموضوع سرعة الاتصال بي على 0555128436


ضروري جدا جدا يا سليمااان

[سعيد المشرف]

سليمان حط رقم جوالك حتى لو لقاه أحد يكلمك فوراً

الله يهديك ياسليمان ليه ماتذكر رقم جوالك

تعاون معنا على شان نساعدك يا مسلم