كلمة........ (اترك المـجـال لغـيري)......؟؟؟؟

[سلطان بن طلق]

السلام عليكم

وش رايكم في

هالمنافسين الاوال في ام رقيبة كثرت عندهم كلمة اخلي المجال لغيري هل هي رحمة منهم ام خوف على مستوى ابلة تنزل

ام رقيبة مافيها رحمة مافية الاعندك عندك

[بدر العزيزي]

بعضهم القناعة .وبعضهم الخوف من المنافسين الاخرين. وبعضهم الاستراحة والتطوير لعودة قوية

وبعضهم بياخذها على قولتك عندك عندك كل سنة وهو جاي يركض لين يصفونه الرجال اخر الطابور

وبعضهم ودة كل مشاركاته يخذ المركز الاول حتى لو يحصر مشاركاته في الخمس سنوات مرتين

[سلطان بن طلق]

بعضهم القناعة .وبعضهم الخوف من المنافسين الاخرين. وبعضهم الاستراحة والتطوير لعودة قوية

وبعضهم بياخذها على قولتك عندك عندك كل سنة وهو جاي يركض لين يصفونه الرجال اخر الطابور

وبعضهم ودة كل مشاركاته يخذ المركز الاول حتى لو يحصر مشاركاته في الخمس سنوات مرتين


القناعة ماضنيت

اما الخوف والاستراحة والتطوير لعودة قوية ,, هاذي صحيح

[محمد ابو عدوة]

والله ياخوي سلطان هذي الشماعه للي خايف ماياخذ الاول وقالها ابن حجنه بالفم المليان وام رقيبه دخلتها اسامي قويه وانتحاريه ولا تجض منهم لحمه واصحاب الابل المشهورين عادهم يرزفون على مراكزهم القديمه ومنهم من يقول خيال البل عاما اما ذا الزمان بنريح مع احترامي وتقديري لتاريخهم الحافل والف نعم بالجميع .

[سلطان بن طلق]

خيال البلها عام

هههههههههههههههههههههه

لاهنت يامحمد ابوعدوة


صدقت ابن حجنة ماعندة مجاملة

[فهد العضياني]

كلمة اترك المجال لغيري

فيها من الكبر مافيها

واعتقد ان السالفه اكثرها هروب من المنافسه عشان ابله ماتخسر سعتها اللي كسبتها في منافسات قديمه

[عبدالعزيز البقمي]

اترك المجال لـ غيري

اذا قالها عليان الطهيمي ( ابله لامنافس لها حتى الان )

ويبتعد كم سنه ليتنافسون اهل الوضح

وبكذا فتح المجال لهم

فهو صادق رجل متواضع ولا عنده من الكبر مثقال ذره

والله يزيده ويرزقه

..

[خالد محمد المقاطي]

صبحكم الله بالخير
يمكن الجمله هذي تقال لمعاني معدده مثل ماتفضلتوا
وكلن وضروفه ومسؤليته
يمكن الرياجيل عندهم ضرف مرض او نقص ماده
واشغال الناس كثرت
والناس مالها الا الظاهر
وهذي وجهة نظري ولكلن وجهة نظر

[سلطان بن طلق]

عبدالعزيز
الطهيمي كثرت حولة الاقاويل

ورجع بعد اربع اسنين وحافظ على مركز ابلة بالانتاج والتعزير ولايظهر مشترياتة ابلة


المفروض هل الاوال يقولون السنة هاذي نبا نريح ونتج ونستعد لاسنة الجاية او الي بعدها

اما اترك المجال لغيري فيها من الغطرسة مافيها

والله لوانة يضمن ابلة تاخذ الاول انة مايتاخر كل سنة ويحط شيلات ومسيرات وغيرها
يدفع ملاين ويترك المجال لغيرة

الاخ /خالد

الي عندة ضرف اومرض اونقص في المادة لايظهر على الشاشة ويقول ابترك المجال لغيري السكوت افضل لة

مير الي عينة علية الرجال عينهم علية

[عبدالعزيز البقمي]

وجهة نظر احترمها

..

[سلطان بن طلق]

شكرا

[بندر الرويلي]

لا تعليق بعد ابن حجنه ما قصر في تفسير هالجمله

[محمد المسعد]

بعضهم يأخذها من جهة انه يحتفظ بصورته عند الناس خصوصا من لهم صولات وجولات وتسرب الملل له فالواحد اذا ملك الشيء يمله والبعض اطلع على الكواليس الخفيه في مسابقة ام رقيبه ةالتي لاتتماشى مع اخلاقه ومبادئه وانما فعلها مكره لابطل ففضل الانسحاب بكلمه يكسب بها مح الاخرين

[خالد محمد المقاطي]

حياك الله ياسلطان
الرياجيل ودها بعذر يحفظ سمعتهم وسمعة حلالهم قدام الناس
ولا له الا هالجمله يتعذر بها

[خالد الغزلي]

عبدالعزيز
الطهيمي كثرت حولة الاقاويل

ورجع بعد اربع اسنين وحافظ على مركز ابلة بالانتاج والتعزير ولايظهر مشترياتة ابلة


المفروض هل الاوال يقولون السنة هاذي نبا نريح ونتج ونستعد لاسنة الجاية او الي بعدها

اما اترك المجال لغيري فيها من الغطرسة مافيها

والله لوانة يضمن ابلة تاخذ الاول انة مايتاخر كل سنة ويحط شيلات ومسيرات وغيرها
يدفع ملاين ويترك المجال لغيرة

الاخ /خالد

الي عندة ضرف اومرض اونقص في المادة لايظهر على الشاشة ويقول ابترك المجال لغيري السكوت افضل لة

مير الي عينة علية الرجال عينهم علية

اتفق معاك