إلحقوا عالناقه تكفون [الأرشيف] - منتـديـات مــزايـن

مشاهدة النسخة كاملة : إلحقوا عالناقه تكفون

مشبب بن حماد القحطاني

11 / 12 / 2011, 41 : 11 PM

السلام عليكم ورحمه الله وبركاته
يالربع أنا عندي ناقه معشر لها إسبوعين ...من شهرونص تقريبا أكلت لها قارورة موية صحه أم ريال (الهدا):mwalat1::mwalat34:
ومن بعدها يالربع حالها شين وضعفت فردت بنتها عنها وعطيتها إبرة جرب وهيام ولافيه فايده وحالها شان بالحيل من إسبوع وجاي وأمس كله متسدحه وجبت لها طبيب بيطري وأعطاها مضاد حيوي إسمه (سبتيل) وعطاها إبرة فيتامينات وقال عندها صعوبه في الهضم ؟؟!!!وقالي القاروره تتفتت في بطن المطيه وتخرج قطع صغيره على فترات وقال هذا اللي أقدر أسويه لها..واليوم كأنهاأحسن ..ماأدري يالربع هل التسداح بسبب اللقاح وإلا من القاروره:mwalat24:
وهل لها علاج يمكن يساعد على إخراج هالقاروه؟؟رأيكم لاعدمناكم

بندر الرويلي

12 / 12 / 2011, 26 : 12 AM

الدسدح من القارورة يا مشبب ماهو من اللقاح مايبيلها نشده وأنا اخوك
وتذكر بأن اهم شي في الوقت الحالي سلامة الناقه وليس اللقاح مارح يقصرون الأخوان ان شاء الله
اسأل الله أن يشفيها ولا يخسر عليك

مشبب بن حماد القحطاني

12 / 12 / 2011, 01 : 01 AM

تسلم ياخوي بندر وعسى الله يسمع منك وإنشاءالله مايقصرون الإخوان بمشورتهم

محمد الوهبي التميمي

12 / 12 / 2011, 46 : 04 AM

مرحبا يامشبب وانت شلون جزمت انها مأكله قروره؟
وش طعام البل يامشبب ؟
على العموم التسدح اوجاع بالبطن والغالب انها تكون كتمت شعير او برسيم او خبز
صب قرورتين زيت زيتون في فمها ام لتر
وان شاء الله تطيب

مشبب بن حماد القحطاني

12 / 12 / 2011, 52 : 04 AM

هلا بك خوي محمد أنا شفتها في البر من بعيد ورحت أطرد أبي ألحقها لكن بلعتها قبل ماأوصل لها
طعام البل الجل عددها14 أعطيها كيس شعير وكيس نخاله وربطتين ذره وربطتين برسيم ومع الغلا صرت أخليها وحده برسيم وأزود تبن في وجه العدو
والناقه من بعد ماأكلت القاروره بإسبوع يعني من شهر ونص وأنا ألاحظ فيها تضعف مع إن بقية النوق خلافات وعشاير أسنامها جبال وشوفتها تشرح.
ولاهنت عالمشوره لكن يعني اعطيها 2 لتر زيت زيتون دفعه واحده؟

محمد الوهبي التميمي

12 / 12 / 2011, 15 : 07 AM

هلابك مشبب إيه دفعه وحده والزيت ماافيه اي ضرر
وطعامها وافي وواجد بعد لو طعتني استبدل كيس النخاله بنص كيس مكعب صوامع
وعطنا علومها بعد ماتصب الزيت فيها

مساعد الحربي

12 / 12 / 2011, 47 : 11 AM

التحيه للجميع / اخوي مشبب انصحك بان تذوب ملح انجليزي في ماء يكون لتر ونص وتعطهياه ثم زيت سمسم قرورتين او زيت زيتون اذاماحصلت سمسم لان السمسم افضل وابرد بعد الملح وانا ماني اعرف من الاخوان وانشالله بتطيب الناقه.

عادل المزروع

12 / 12 / 2011, 31 : 01 PM

الله يفك عوق ناقتك يامشبب
والربع ماقصروا مالنا الا الدعاء لها بسلامه

عيدالمنصورى

12 / 12 / 2011, 37 : 08 PM

بالنسبه للحاله لازالت القاروره لم تصل للمعده الرئيسيه وهذا ماهو متعب الناقه
بالنسبه لنصائح الاخوه الزيت جيد والملح الانجليزي جيد ولكن نخاف ان يزيد تعب الناقه
ارشح الزيت للمساعده على اخراج القاروره او لايصالها لموقعها الاخير بالمعده
الملاحظ ان ابلك تنقصها املاح معدنيه

ناصرمنصورالروقي

12 / 12 / 2011, 39 : 08 PM

وعليكم السلام ورحمة الله وبركاته
اخوي مشبب الناقة اعزك الله والسامعين دمنها كيف تدمن ولامستكتمه
وزيت الزيتون مثل ماقال ابو صالح ملين جيد للبطن وعليك بزيوت كثرمنها
والله يفك عوق ناقتك

مشبب بن حماد القحطاني

15 / 12 / 2011, 35 : 12 AM

أشكرك كل من رد علي وآسف عالتأخير لظروف سفري ومن بكره إنشاء الله بأعطيها الزيت والله هو الشافي سبحانه
أكرر إمتناني