مشكله ياجماعه ونبي لها حل تكفون .!

[هادي الرزقي]

السلام عليكم ورحمة الله وبركاته

يااخوان عندي لقيه والركاب رفضت تضربها وش الحل كل ماقربتها من البعير يكرهها ؟!!

وللمعلوميه ترى ميسر واعطيتها بعد ابرة ايسره ولاكن لافائدة احد عنده حل للمشكله الله يرحم والديكم .

[طلال الروقي]

وعليكم السلام ورحمة الله
حيااك الله يابو صالح

وحده من الثنتين .. ( إذا أنت متأكد أن بكرتك لقيه )

اما أن البكرة مافيها جسره نهائياً
أو ان الفحول تشم ريحة ماهي طيبة في بكرتك

[عبدالرحمن بن هادي]

وعليكم السلام ورحمة الله
حيااك الله يابو صالح

وحده من الثنتين .. ( إذا أنت متأكد أن بكرتك لقيه )

اما أن البكرة مافيها جسره نهائياً
أو ان الفحول تشم ريحة ماهي طيبة في بكرتك


او ان الركاب الي معرض له البكره يكون هرش ( احيانأ الهرش يعاف بعض البل )

[مشعل الشويش]

دور لك عشرا ميسـر من ابلك وخذ من عبيسها ومشّه على ظهر البكره وفقارهاا

[عالي العماري القرني]

مع إضافات الأخوان

و أزيد وحدة

لبسها جنايب و بإذن الله تبشرك بعشارها

[ناصرمنصورالروقي]

مع الاخوان
وزيد وحدة عطر ذيل الناقه

[محمد ابو عدوة]

دور البعير المقرع اللي ماضرب من اسبوع وحول واماته سارحه ودخلها على البعير ولاتسوقها و معها ناقه ميسر لان عينه على البل الجل المياسير .

[محمد الوهبي التميمي]

لبسها جنايب وفك البعير عليها

[وافي مليح بن موطان]

اغلب الفحول يحقر اللبكار ويعافها

الله اعلم البلا مهوب في البكرة البلا من الفحول

دور لك قعود جذع ولا ثني وبيضربها باذن الله

[هادي الرزقي]

طلال الروقي
عبدالرحمن بن هادي
مشعل الشويش
عالي العماري القرني
ناصر منصور الروقي
محمد ابو عدوة
محمد الوهبي التميمي
وافي مليح بن موطان
بيض الله وجيهكم جميعاً والله يوفقكم ويرزقكم .بسوي كل التوجيهات اللي قلتو لي عليها كلها جعل والديكم الجنه .,

[صدام اليامي]

رش فقارها وذيلها بوزر خلفات

[جابر ابوشهاب]

ارحب يا بو صالح

كم بعير عرضتها عليه ؟؟؟؟

والعجوم دائما ما يضربها الا الركاب المقرعه او البعير اللي اماته قليل

شكرا

[هادي الرزقي]

الله لايهينكم جميع على سرعة الرد وسويت كل اللي قلتو لي عليه ولافيه فايده وقد عرضت على بعيرين ونفس الطريقه بعير عندنا بنجران وبعير في جوده وهي الان بجوده والله يكتب اللي فيه الخير .
دعواتكم وهي ان شاء الله بتلقح مانبي غير الدعاء .

[خالد الحجي]

بكرة ماهي ميسر طال عمرك بكرتك فسقانه وتشوف أوصافها إنا ميسر دع الخلق للخالق