ولدت الناقة ونفرت بنتها وش الحل

[عبدالعزيز الفضلي]

السلام عليكم


ربي يسعد ايامكم بكل خير



والخير والمطار والحيا علينا وعليكم مبارك

جعل ربي ينزل العلل والمطر على ديار المسلمين



وش الحل يا اصحاب الراي والخبره


عندي ناقة بكره توها جذعه انتجت اليوم وجابت بكره

بس المشكله انها نافرة نماها وش افضل حل معها


ربي لا يحرمنا منكم ولا من اهل الخير والراي السديد

[ساجربن عدوان]

الحل تشيك على الناقه وبنتها
وتحط من عبس الحوار على وروكه

[ممدوح احمد الشريف]

روعها على بنتها بالليل دون تعرفك حتى تعود عليها تحميها

ثم غيب عنها شوي وعود عليها وخلها تعرفك وهدها ثم ارضع الحواره وبعون الله ماعاد تنفرها

هذي الطريقه مجربه ومضمونه بعون الله

[بندر الرويلي]

مالك بالطويلة شفلك رجال يعرف يضير وضيرها

[بخيت البريدي]

وين مكانك ؟

[عبدالهادي آل سلطان]

مالك إلا الضيــــار

دور لك رجـــــال يضير و قلة ...........؟

وين موقعــــك ...........؟


وشكرًا

[عبدالعزيز الفضلي]

يعطيكم العافيه


اشكر جميع الاخوان اصحاب المداخلات


كما اشكر جزييل الشكر للاخ ساجربن عدوان


على نصيحة ومشورته

الحقيق اني جربتها وكانت ناجحه


عزلنا ها وبنتها في حوش صغير في وسط حوش الابل
وابشركم انها ركبته

وحنت عليه


فلكم مني جزيل الشكر والعرفان

[محمد الوهبي التميمي]

الحمدلله اللي ركبت بدون ضيار
انصح جميع الآخوان واللي عندهم اباكير عل وجه ولاد
انهم ما يتركونها في بطن البل لاجاء حروت الولاد يجيب عزلها لحالها

[عبدالعزيز الفضلي]

الف شكر اخوي محمد على المرور والنصيحه

[بندر الرويلي]

الحمد لله الله يبشرك بالخير

[عالي العماري القرني]

بشارة طيبة الله يبشرك بالجنة و توافيق عساها ما تنقطع لا منا ولا منك
بالنسبة اللقاح الأباكير ( و النتج من عامين -الأفضل تشبيكها -لن بعضها تنفر حيرانها و تعطف على حقايقها )

[محمد المسعد]

الحمد لله رامت بنتها من غير ضيار