الحساس ...وش هو؟

[حمدان التميمي]

صبحكم الله بالخير جميع..

وعندي يالربع قعود من 3 شهور ووبرته تطيح من نفسها
وعطيته ابرة الجرب وكررتها ولا فاد مع اني ماشوفه يحتك واللي فيه كأنه ماهوب جرب

وشافه البيطري وقال اللي فيه حسـاس وادهنه وماعليه
والحين ظهره طايحتن وبرته وحاله ردي من حينه وياكل الوبره وانا عازله من فتره ..

نبي رايكم يالربع...

[بندر الرويلي]

يمكن نقص شديد في الفيتامينات والاملاح

[فيصل الخييلي]

صبحك الله بالنور والسرور

حياك الله اخوي حمدان

ياكل وبرته ولا وبرت الابل اذا يأكل الوبر عطه الملح الأصفر المكعب لي انه فيه مادة تخليه ماياكل الوبر

انا مجربه زين للوبر

والله يشفي قعودك انشاء الله

اتمنى اني افدتك

تقبل خالص تحياتي

[حمدان التميمي]

أشكركم على تفاعلكم

والقعود ياكل وبرة البل وهو في نفسه وبرته طاحت من كم شهر وبدون ما ياكلها احد
وقال لي رجال أعجن له دقيق وعطه كل صبح تلقيم وبتزين وبرته وبيستبدن ؟

[محمد الوهبي التميمي]

مرحبتين ابوعبدالرحمن
والله يبارك لك في حلالك
عمر القعود وش
اذا هو مفرود وفوق فأنصح بحبه لدود وتكرر بعد أسبوعين
على العموم اول نقطه هي عزل القعود في شبك لحاله
ثانياً تأكد اللي فيه مهوب مرض وهو نقص عام
واتبع هالبرنامج له
برسيم مخلوط بتبن او اي نوع من الحشائش الاخرى بشكل دائم

شعير ومكعب بمقدار مناسب وتدريجي

والتمر جيد بكميات قليله

بالاضافه الى قوالب الأملاح تعلق في الشبك

[حمدان التميمي]

مرحبا يابندر..

مرحبا يافيصل..

مرحبا يالوهبي..

اشكركم على المعلومات الطيبة
وأبشركم القعود رجعت وبرته أحسن من أول..

[قرناس العتيبي]

عطنا طريقة العلاج محمد عشان الكل يستفيد لاعدمناك

[تميم التميمي]

وش سويت ياحمدان علمنا نستفيد لا خليت منك