وش الحل ؟؟

[حمد بن حسن]

السلام عليكم ورحمة الله وبركااته...
كيف حالكم يالغالين,

انا عندي لقحه في شقها الأيسر نفاخ ومدري وش الحل معه وش رايكم يالربع وش الحل؟

http://im15.gulfup.com/2011-11-25/1322252115691.jpg

[بدر النفيعي]

وعليكم السلام ورحمة الله وبركاته ،،

حياك الله اخوي قبل لا نفتي لك أو نعلمك بالطرق الناقة كم باقي على وقت ولادهاا أخوي ؟؟

[حمد بن حسن]

مرحبا بك يابدر
الناقه طال عمرك ولادها في شهر اربعه المقبل.

[حمد بن حسن]

مرحبا بك يابدر
الناقه طال عمرك ولادها في شهر اربعه المقبل.

[بدر النفيعي]

دامها في شهر ـأربعه ،،

أستخدم المطهرات والمراهم الخاصه بالحضاه تلقاهاا عند الصيدلي وأطلعنا على نتائجهاا أول بأول ،،

وإذا أنفتحت بيطلع معها صديد لونه أصفر تقريباً هنا أبداً بالبخاخ الأزرق حتى تنتج الناقة ،،

في فترة اللقاح تجنب أستخدام الابرر نهائياً ،،

[محمد الوهبي التميمي]

ماقصر الاخ بدر بالمعلومه وبعد الولاد بمشئة الله فيه علاج شعبي للحضاه فعال

[محمد بن حمد القحطاني]

السلام عليكم

اخي الناقه طلعها من الشبك وخلها تمشي

يمكن يكون انفاخ ورشه بدري قبل طلوع الشمس بالماء البارد الصاقع

مدة خمسه ايام وان شاءالله يختفي النفاخ

ولك تحيتي

[سالم أل حيدر]

اخوي حمد الناقة كانت خلفة عندك
والنفاخ هو قاسي ولا لين

[بندر الرويلي]

هذي حضاه مثل ماقالك الاخ بدر عليك بالعلاج الخارجي

[حمدان التميمي]

وامنعها من البرسيم لان البرسيم حار ومشها

كانه خباش بيروح ..

[حمد بن حسن]

بدر النفيعي ..الله لايهينك وبيض الله وجهك على المعلومه الأكثر من رائعه شاكر لك الفزعه جعل ربي يرضى عليك.
محمد الوهبي..اشكرك على تواجدك وان شاء الله إذا انتجت اوافيك بالنتائج.
محمد القحطاني..لاهنت يالغالي لاكن الناقه تمشي كل يوم ولاكن الله يكتب اللي فيه خير.
سالم ال حيدر..الناقه كانت خلفه عندي والنفاخ بدأ في شقها الأيسر وكان الشق كامل قاسي ثم تجمع واصبح مثل البعج والحين قاسي.
بندر الراوي.. لاهنت والله يستر من الحضاه هي دمار الديد.
حمدان التميمي... ماقصرت معها بالممشى وماتاكل الا رودس .
الله لايهينكم جميع ماقصرتم جعل الفردوس مثواكم.