البعير هد بس...........

[عبدالرحمن بن هادي]

البعير هاد ويهدر بس بطنه باقي كبير شوي ( مابعد نسم ) ويضرب وضرابه زين بس مخوفني كبر بطنه ....
اخليه يستمر يضرب ولا اوقفه ........وسلامتكم

[بدر النفيعي]

البعير هاد ويهدر بس بطنه باقي كبير شوي ( مابعد نسم ) ويضرب وضرابه زين بس مخوفني كبر بطنه ....
اخليه يستمر يضرب ولا اوقفه ........وسلامتكم


حياك الله اخوي أبوهادي ،،

دام البعير صحته زينه ويآكل ويشرب زين وضرابه زين فلا بأس عليه ،،

باقي كم أسبوع وتدخل المربعانية وتخليه يقفل غصب عن خشمه ،،

ما عليه خلاف وخله يضرب الابل وفاله طيب بإذن الله ،،

[عبدالرحمن بن هادي]

الله يطيب فالك يابدر وشكرا لمرورك الكريم

[محمد احمد العتيبي]

خف عليه فالضراب واحرص عليه لاينبعج البعير وهالايام بيعصب البعير وهده على كيفه يضرب

واسال الله ان يبارك لك في حلالك

[بندر الرويلي]

يا عبد الرحمن لا تضرب بالبعير وبطنه كبير خله لين يقفل (يعصب) ترى الضراب يضره يفضخه واذا تبي تضرب به صومه عن الاكل و الشرب يوم كامل و صباح اليوم الثاني اضرب به ولا تكثر الضراب عليه الا لما يقفل كان تبي الراي

[بدر النفيعي]

من باب تجربه ومن خبرة الاطباء بجامعة الملك فيصل أن فحول الابل عندما تريد أن تضرب الابل أي ( هيـــآج ) فهذا يدل على صحة الجمل وغزارة الهرمونات ،،

وفي هذه الحالة لاتوجد أي خطورة لجعله يلقح الابل ،،

أخوي بعيرك بطنة كبير ولا صغير أضرب فيه بعدد معقول وبإذن الله لن يصيبه شيء ،،

[محمد الوهبي التميمي]

ركز على الأوقات المناسبه لضراب
وهي في الصباح الباكر
والطعام لايذوق الأبعد اضرابه

[طلال الروقي]

لاتكثر عليه الضرايب ..

وخله يضرب الصبح بدررررررررري

[وافي مليح بن موطان]

ضراب البعير وبطنه كبير مامنه خير ابد

وخطر عليه لا ينبعج ولاينفضخ

[حاتم العماري]

خله يسرح مع البل بقيده وقلل عليه الطعام والماء واربطه في وسط العشاير اسبوع وبيقفل
تقبل تحياتي