عندي سؤال وابي فزعتكم .......؟

[محسن مطلق الهاجري]

:mwalat20: السلام عليكم ورحمة الله وبركاته
ياجماعه عندي القحه بكر في قادمها حضاه وحطيت عليه اقريز ابي
يطلع اللي فيه ولافيه فايده وقالي دكتور عطها ابر بنسلين خفيفه وعقبه
دريت ان الدكتور فاشل وانا ابي رايكم او احد منكم مرت عليه الحاله
او تعامل معها

[خالد الفالح]

لا تعرض الناقه لين تنتج وان افتحت الحضاه عالجها التطبب في القحه ما هو طيب

[محمد الوهبي التميمي]

اولاً دامها لقحه خل شغلك بالمطهرات من بعيد لبعيد
ولاتحاول تعافر الناقه خلها لحد ما تنتج ويوجد ادويه شعبيه جيده لعلاج الحضاه

[فهد الأحمد]

لا تعرض الناقه لين تنتج وان افتحت الحضاه عالجها التطبب في القحه ما هو طيب






مع كلام أخوي خالد

[فيصل الخييلي]

وعليكم السلام

حياك الله اخوي محسن

ماقصرو الاخوان مدام ان الناقه لقحه لأتجيها خلها عقب ماتلد وانا عندي ناقه لقحه وفيها حضاة بس لما تلد نستشير الاخوان

والله يشفي ناقتك انشاء الله

تقبل خالص تحياتي

[محسن مطلق الهاجري]

لا تعرض الناقه لين تنتج وان افتحت الحضاه عالجها التطبب في القحه ما هو طيب


بيض الله وجهك يابو فالح

[محسن مطلق الهاجري]

مع كلام أخوي خالد
جعل شيــــــــــــبانك فالجنه

[محسن مطلق الهاجري]

اولاً دامها لقحه خل شغلك بالمطهرات من بعيد لبعيد
ولاتحاول تعافر الناقه خلها لحد ما تنتج ويوجد ادويه شعبيه جيده لعلاج الحضاه
جعل شيبانك فالجنه يالوهيبي

[خالد علي]

اشدخل البنسلين فى الحضاه صحيح انه دكتور فاشل و القريز و انا خوك يدخل فى اديد ويسبب تسمم و علاجها عقب ما تلد

[راشد الكدادي]

عليك بالخوا جوا وبتحصله عند العطار..أخلطه مع زيت زيتون ولاغلا برده وحرك الخوا جوا وزيت الزيتون لين يصير لونه مثل لون زيت البريك وإدهن ديس الناقه كل خمسة أيام وبتشوف مايسرك .. ونبي منك دعوه في ظهرالغيب وعسى الله يتقبل منا ومنك كل دعوة طيبه..جرب وردلي بالنتيجه.

[محسن مطلق الهاجري]

اشدخل البنسلين فى الحضاه صحيح انه دكتور فاشل و القريز و انا خوك يدخل فى اديد ويسبب تسمم و علاجها عقب ما تلد
لا هنت يابو علي اني داري انه خبل عادك شاك فالدكتــــــــور