تسجيل الدخول

مشاهدة النسخة كاملة : اخوكم محتاج المشوره في حواره غاليه وذارق

سعد بن ناصر
21 / 11 / 2011, 26 : 11 PM
عندي حواره عمرها اسبوعين واليوم العصر شفت منها ذراق وش الحل يالربع هل طبيعي لانها رضعت واجد البارح ؟
وعلمت العامل يحلب امها مع طلوع الشمس ويشملها ويرجع ينظفها الساعة 10 ويشملها ويحلبها المغرب وينظفها ويخلي بنتها ترضع شوي ويشملها ويرجع لها الساعة 9 ينظفها ويخلي الحواره مع امها بدون تشميل لطلوع الشمس اليوم الثاني

هل فعلي هذا صحيح ومتى يتوقع يوقف الذراق تكرمون واذا ماتوقف وش الحل ؟
محمد ال فالح
21 / 11 / 2011, 44 : 11 PM
مرحبابك
الله العالم ان الذراق من كثره الحليب ولايكون تطعم الناقه برسيم الا بعد شهر من الولاده
خف الحليب وبه علاج عند الصيدليه للذراق يومين وان شاءالله ينتهي الذراق
والله يبارك لك في حلالك
سعد بن ناصر
22 / 11 / 2011, 26 : 09 AM
جزاك الله خير اخوي محمد

بس لو استمر اليوم وش علاجها
سمير بن محمد
22 / 11 / 2011, 32 : 09 AM
في عصار في الصيدليه وفعال جدا وعطها الماء البارد كل يوم ولا تخليها ترضع كل شوي واحلب امها علشان يجيها اللبن حلو والله يستر عليها
مشعل الشويش
22 / 11 / 2011, 06 : 01 PM
مساك الله بالخير .

راجع كتابات عيد المنصوري اللي جمعها الاخ فلاح وموضوعها مثبـت فالقسم .

وبتجد مايفيدك بإذن اللـه ...

..
سعد بن ربيع
22 / 11 / 2011, 24 : 10 PM
كمون مطحون ولبن من البقاله واخلطه بشي بسيط من البخاخ حق الذراق الله يكرمك
اذا كان عندك اللي لونه حليبي وخل الاصفر عنك
وعطها منه على شكل جرعات اذا كان الخلطه واجد
وان شاء الله ماتشوف شر
وافي مليح بن موطان
23 / 11 / 2011, 45 : 01 AM
الماء كافي لوحده

او

ماء مغلي مع ورق شاهي يصفى ويبرد ويعطى للحوار
مسعود العماري
23 / 11 / 2011, 09 : 11 AM
مع البخاخ ( لونه حليبي ) واسمه سكوروبان

عشر ضغطات صباح ومساء كافيه إن شاء الله
بدر النفيعي
23 / 11 / 2011, 28 : 11 AM
زي ما ذكرر أخوي / مسعود العماري ،،

بادرر بالعلاج وأطلعنا على آخر النتائــــــــــــج ،،
فهد الشريم
23 / 11 / 2011, 10 : 01 PM
عطه علاج ابو رمح 5 سم وبأذن الله بتشوف الفرق بيوم
ناصر بن جاسر
23 / 11 / 2011, 26 : 10 PM
مثل ما قال اخوي مسعود

ولا يهون باقي الاخوان

وعليك بالمكان اللي فيه ذرا

مجرب وفعال
بندر الرويلي
26 / 11 / 2011, 01 : 02 AM
ما قصرا الاخوان لكن لا تكثر من الضغاط 3_4 ضغطات بالصبح يكفي لما ينقطع وقفه والحوار شارب حليب واجد 100%
محمد احمد العتيبي
26 / 11 / 2011, 26 : 06 AM
ياسعد الماء زين واهم شي انك تحلب امها ولايبقى فيها حليب زايد واسال الله لك التوفيق
سعد بن ناصر
26 / 11 / 2011, 30 : 01 PM
جزاكم الله خير جميع وبارك الله فيكم وفي حلالكم

الحوار الحمدالله نشيط ويرضع بس مازال فيه اثر ذراق يوم مانشوف منه ويوم يذرق تكرمون والبلا في العامل ان كان انشغلنا هملها وان كان كنا حوله تابعها

وشريت امس ضغاط الذراق حليبي وعطيتها ١٠ المساء وبنشوفها اليوم ان شاءالله وعمر الحواره الحين ١٩ يوم والله يستر من البرد لا يضرها

وصرنا نحلب الام ٤ مرات في اليوم واكلها رودس وبأذن الله بنتابع معكم ونعطيكم النتايج واللي استخدمته كله

وعاجز الواحد عن شكركم يالنشاما
بندر الرويلي
27 / 11 / 2011, 04 : 02 AM
10 ضغطات بالمساء وااااااااااااااجد :mwalat10: انتبه لا تكتم الحوارة وتدخل في مشكله ثانيه
سعد بن ناصر
27 / 11 / 2011, 14 : 12 PM
10 ضغطات بالمساء وااااااااااااااجد :mwalat10: انتبه لا تكتم الحوارة وتدخل في مشكله ثانيه

والله يا بندر اخذت بكلام الاخ مسعود جزاه الله خير وعطيتها يومين 10 ضغطات بالمساء فقط ولا اعطيها الصبح والحمد الله وقف الذراق تكرم ووقفت العلاج ومخفف الحليب نحلبها 4 مرات ونخليها مع امها دون شمالة من العشاء للفجر والحمدالله الامور مستقرة
محمد الوهبي التميمي
09 / 12 / 2011, 58 : 10 AM
الحمدلله على سلامة الحواره
تنظيم فترات الرضاعة امر مهم
الماء البارد للحوار حل ممتاز لوقوف الذراق
البخاخ يحتاج لتعامل حذر مع الحوار لانه قاتل فيجب استخدامه بعنايه او الاستغنى عنه
بندر الرويلي
09 / 12 / 2011, 48 : 11 PM
الحمد لله على كل حال
عليك بتنظيف ديد الناقه بعد كل عطفه