ابي رايكم تكفوون

[سلمان الروقي]

ابي رايكم ياهل النظر في هالبكره وكم تسوي بنظركم

http://mzayan.com/mlffat/files/8577.jpg (http://mzayan.com/mlffat/index.php?action=viewfile&id=8577)

[عبدالله بن مطلق المزحمي]

الاخ سلمان

الصوره طال عمرك ما ينحكم عليها

اذا بغيت تصور البكره صورها من جنبها وهي ما هي ملتفتها

[سلمان الروقي]

يامرحبا اخوي عبدالله اشكرك على مرورك وهذي صوره ثانيه

وهذي الصوره الثانيه

http://mzayan.com/mlffat/files/8579.jpg (http://mzayan.com/mlffat/index.php?action=viewfile&id=8579)

[مشعل الشويش]

لونها زين / ورقها زين / وظهرها زين .ورقبتها زينه
..
مرتخيه / وراسها قل من عادي من العين وقدام ( والمطيّه راس يالروقي ) .

[عمر الشمري]

جسمه ماشاءالله عليه زين بس راااسه متوسط

تحياتي

[عبدالله حمد العتيبي]

والله ي ابن روق
البكرة على الوصف اللي تبي
كل شي فيها زين
واذا وصلت عن الراس وقف
ورايي ://
اصبر عليها
ان مازانت و الا سوآ به اللي تبي ((ان بغيت تنتج وان بغيت تبيع))

تقبل ردي و ودي
اخووووووووووووووووووووك ://

[بندر بن معيض المطيري]

مرحبا ياسلمان

وما شاء الله على البكره مهي بشينه

بس ليتك مصورها من جنب صوره واضحه جنبها كامل

[خالد بن عصاي]

اصبر عليها

والله الرازق

[بدر النفيعي]

حياك الله يا سلمان ،،

مبروكه يا سلمان وراعيهاا أبرك طال عمرك ،،

البكرة مع نياق بداوه تونس المراح وتزينه جعلها تبارك ،،

البكرة طيبه ولكن راسهاا لك عليه شوي مقنويه زينه ،،

الله يطرح فيها البركة ويرزقك منها الرزق الطيـب ،،

[سلمان الروقي]

اشكركم جميعا

بيض الله وجيهكم ماقصرتو ورايكم افادني كثير

الله يجزاكم خيررررر

[رجا ال بريك]

ماشاء الله تبارك الرحمن
مافيها الا مقدم الراس لك عليه
وتقبل تحياتي

[محمد بن سفران]

سلامي للجميع
البكره لن لفيت فحل طيب جابت الهوايل
لا اله الا الله

[بندر الرويلي]

لونها زين / ورقها زين / وظهرها زين .ورقبتها زينه
..
مرتخيه / وراسها قل من عادي من العين وقدام ( والمطيّه راس يالروقي ) .



ما ورى مشعل كــــــلام ما قصر

[حزام العاطفي]

البكرة فيها ملاحظات مثل ماذكر بعض الاخوان
لكن الملفت للنظر انها منصله
وعموما البكرة رقاق وسنااااافيه
والله يبارك لك فيها ياسلمان

[محمد المسلم]

ماشاء الله
البكره طيبه وعظمها طيب وراسها مهوب ردي كان وراها ساس يزين راسها
الملاحظه على يدين البكره فيها قصر شوي ومهدفه بنحر البكره ورقبتها