يالربع افيدونا

[محيميد الرشيدي]

هذا الوسم من وسمه




http://almzayan.com/files/3555.png

[طلال الروقي]

غريب هالوسم أول مره أشوفه ..

[محيميد الرشيدي]

شريت لي قعود عليه ذا الوسم ويقولون انه على تمام بس الوسم عييت لا اعرفه والقعود طيب
لاهنت ياطلال
افيييييييييدوني ياربع

[عمر الشمري]

انشاءالله مايبقصرون الربع

[محمد عبدالرحمن خاشم]

هذا الوسم اتوقع انه لنايف ابن نماس السميري وان كانه صحيح امسك ولا تفك

[محيميد الرشيدي]

لاهنت ياعمر
انت ومحمد

[خالد العايذي]

هلا بك ياخوي محيميد وهلا بالجميع
هالوسم يسمى الميل أو الدبوس أو الميم كل يسميه على حسب منطقتة أو قبيلته أو فخذه
وهو من الوسوم المشتركة بين أهل الإبل في يسار الرقبة وفي غيرها
ومن اللي ياسمون به في أيسر الرقبة السمرة من عتيبة
وكذلك الجعفر من العجمان
هذا اللي يحضرني علمه الآن ولعلي أوافيك بمعلومات أكثر عن قرب

تحياتي للجميع

[محيميد الرشيدي]

بيض الله وجهك ياخالد وافي وافي

[عبدالله حمد العتيبي]

الله يرزقك منه يامحيميد

[محيميد الرشيدي]

الله يجزاك خير يابو حمد