رأيكم يا أهل النظر

[ماجدالمرواني]

السلام عليكم ورحمة الله وبركاته
حيا الله الجميع كل باسمه ورسمه ونبي رأيكم يالربع في البكرة اللي بالصورة الأولى والثانية وبالقعود اللي في الصورة الثالثة علما بأن كل منهما على فحول معروفة بانتاجها الطيب وامهاتها ابل بطونها طيبة بالحيل من ابلنا وهي ابل قديمة ورث آبائنا رحمهم الله.
رأيكم يهمنا لأنكم رجال لكم باع وكل واحد منكم رأيه له عندي قدر وقيمة.


http://www.mzayan.com/vb/attachment.php?attachmentid=8640&d=1321121454

.....

http://www.mzayan.com/vb/attachment.php?attachmentid=8641&d=1321121496

.......

http://www.mzayan.com/vb/attachment.php?attachmentid=8642&d=1321121525

.............

[عمر الشمري]

ماشاءالله تبااارك الله

كلهن طيبات لو بس اسمان يكون افضل

[بدر النفيعي]

الله يبارك لك فيهن يارب ،،

ويرزقك منهن الرزق الطيب ،،

بس لو فيه صور اوضح كان يقدرون الاخوان يدلون برأيهم ،،

ياليت لو تصور تصوير أوضح من كذا عشان كلن يقدر يبدي رأيه ،،

[سعدون بن نايف العتيبى]

البكره الاولي حلوه والثانيه والقعود
عايديه

[ماجدالمرواني]

عمر الشمري
رأي يثلج الصدر من رجال كفو ومقدر
بدر النفيعي
ياهلا ومسهلا فيك يابدر وملاحظتك ع العين والراس
سعدون العتيبي
يا هلا فيك ومسهلا وبالنسبة للصورة الأولى والثانية هي لبكرة وحدة ورأيك في البكرة والقعود مقدر ومن رجال كفو

ملاحظة
أرجو من مشرف القسم فضلا لا أمرا تحرير الصور وتكبيرها لتكون أكثر وضوحاً

[مشعل الشويش]

يامرحباااا

والغلا غلا القلب ماهوب غلا الدراهم ..

والله يرفع من قدر من يغلي عطايا اللـه ..

...

البكره الأولى :

صورتها غير واضحه لنها ملتفته ..

لكن البكره حلوا ومواريها مواري البدويه المقنوي الزينه .

..

البكره الثانيه :

مافي عطايا الله ردي

ولكنها صفر على الشمال في مسألة الزين ...

ولافيها مايجذب نهائياً ..

...

القعـود :

ماكل قعود فحل .. والفحل صعب اللي يعمر البل

الصوره غير واضحه وبعيد .

لكن العرقوب شرهت عليه .. والرقبه قصيره .. وسيف لحيه قصير ولاله طفحه ... وتووووه .

ولو انه بكره قلت يازينهااا .

...

تقبل راي اخوك ...


....

[ماجدالمرواني]

لا هنت ياخوي مشعل على التحرير وعلى الرأي اللي أحترمه وأقدره ولا زلت أكرر بأن الصورة والثانية لبكرة واحدة بمعنى أن البكرة اللي في الصورة الأولى هي نفسها اللي في الصورة الثانية

[تركي الغيداني]

البكره والقعود عايديات والقعود الحسن من البكره
رقبه وراس
تقبل الراي المتواضع

[ماجدالمرواني]

يا هلا ومسهلا فيك يا أخ تركي ورأي مقبول ومقدر
بيض الله وجهك على مرورك اللي سرنا