الفحل يبرك الناقه والا يضربها

[منصورمحمد]

انا عدي فحل النصف من شهر 10 ميلاد ضرب عندي كم ناقه و بعضها بعد اسبوعين قامت تشاول لكن الحين يبرك الناقه ويوقف عندها والا يضربها وما ادري ويش فيه وثانينا ويش هو الفضخ وكيف اعرف انه مش فضخ

[فهد الأحمد]

الله أعلم أن البعير منفضخ

حاول تحميه لين يشوفه واحد راعي خبرة

وسلامتك

[منصورمحمد]

وكيف اعرف انه فضخ

[خالد العايذي]

هلا بك يامنصور
أولاً وش سن بعيرك هذا شيء ثم هل هو مبطي عندك وأخلف طبعه أو توه جاك ثم تو الوقت أكثر الزمول ماهاجت الهياج اللي عليه الكلام والمعروف ويمكن باقي نياقك مافيها مجاسير
وهذا في ظني طبيعي في هالوقت لأن عندي بعير يسوي سواة بعيرك يلطخ ويضرب له كم ناقة ثم يرفع لكن مع نهاية الوسم يتغير ويختلف ثم يعود يضرب طبيعي

تحياتي للجميع

[منصورمحمد]

هلا يا خالد
البعير سنه توه جذع وتوني شاريه
مثل ما قلت ضرب قبل شهر والحمد لله و صار ثلاث نياق معشره عليه واخر ماضرب يوم العيد ضراب زين وبعدها صار يطرد الناقه طراد خفيف وان ابركت الناقه صد عنها وهذ وسلامتك
وشاكر لك ومن مر على الموضوع

[منصورمحمد]

شكرا لك من مر على الموضوع وابشركم الفحل ضرب اليوم

[محمد الوهبي التميمي]

على البركه اللي اضرب
حاول انك ماتعسر البعير والبعارين مابعد عصبت الا الان

[منصورمحمد]

شكرا على مرورك الكريم

[بندر الرويلي]

بعيرك ما هاج توه اصبر عليه خله لين يعصب ويقفل لا تضرب به وهو بدين ترى ينفضخ واذا انت عجل على الضراب صومة من الاكل والشرب يوم قبل الضراب